تامانلر و دولت نینگ بایلیگی اۉرته‌سیده‌گی نزاعلر؛ طالبان سنا مجلسی تلویزیونی نینگ اوسکونه‌لرینی «تالان» قیلگنلر
امین کاوه
۸صبح کونده‌لیگی نینگ قۉلگه کیریتگن معلوماتلری طالبلر افغانستان‌ده حاکمیت تېپه‌سیگه کېلگنی نینگ بیرینچی کونلریده، سابق ملی کېنگش سنا مجلسی تلویزیونی نینگ بوتون اوسکونه‌لرینی اۉغیرلب کېتگنلیکلرینی کۉرسته‌دی. معلوماتلرگه قره‌گنده، حقانی ترماغی نینگ جنگریلری قندهارلیک طالبان جنگریلرینی مذکور دفترنی ترک قیلیشلری باره‌سیده آگاهلنتیریب، میلیونلب افغانی پولده ساتیب آلینگن مذکور تلویزیون نینگ برچه بویوم و اوسکونلرینی اۉزلری بیلن آلیب کېتگنلر. سابق سنا مجلسی تلویزیونی نینگ مسووللری اوشبو معلوماتنی تصدیقلب ایتیشلریچه، بو تلویزیون نینگ بناسی حاضرگی کونده طالبان مدافعه وزیرلیگی سرپرستیگه تېگیشلی جنگریلرنینگ یاتاقخانه‌سی همده مدرسه‌سیگه ایلنگن دیر. اولرنینگ اظهاراتلریگه قره‌گنده، سابق سنا مجلسی نینگ تلویزیونی نطاقلیک، گزارشگرلیک، تخنیکی و اداری بۉلیملر شامل ۷۵ ایشلاوچیدن تشکیل بیلن بو تلویزیون تاسیس بۉلیشی اوچون ۱۰۰ مینگ امریکالیک دالر خرج قیلینگن. شونینگدېک بو تلویزیون نینگ ۱۲کتّه رسمی ایشلاوچیسی و ۴۵ قراردادی کارمندی بۉلگن. بو مدت ایچیده بویوملر همده اوسکونه‌لر آتیده ثبت قیلینگن کارمندلردن بیری روحی باسیملر سبب ۱۴۰۰- ییل عقرب آییده اۉز جانیگه قصد قیلیب حایتیگه نقطه قۉیدی. طالبلر اوشبو تلویزیون نینگ دفتریدن اۉغیرلب کېتگن اوسکونه‌لر، «کرن کمره، ترای‌پات، لایتنگ اوسکونه‌لری، کروماکی، کمپیوتر، تلویزیون، دانگل، سوندسیستم، وایس ریکاردر، یو‌یی‌اس، ترانسفارمر، خوفسیزلیک کمره‌لر و دفترنینگ جهازلری» بۉلگن دیر. طالبلر بو تۉغریده هنوزگچه تفصیلات بېرمه گن، بلکه بو تلویزیون ایشلاوچیلرینی «یېریک شیطانلر» هم دېب اهانت قیلگن.
سابق سنا مجلسی تلویزیونی نینگ بیر قنچه ایشلاوچیلری همده مسووللری، بو تلویزیون نینگ برچه جهازلری همده تخنیکی اوسکونه‌لری طالبلر آرقلی اۉغیرلنگن دېدیلر. اولرنینگ سۉزلریگه کۉره، اوشبو اوسکونه‌لر طالبان ایچکی ایشلر وزیرلیگی سرپرستی سراج‌الدین حقانی‌گه تېگیشلی جنگریلر همده مدافعه وزیرلیگی سرپرستی محمد یعقوب مجاهد جنگریلری اۉرته‌سیده‌گی جنجاللر نتېجه‌سیده اۉغیرلب کېتیلگن.
8صبح کونده‌لیگی نینگ قۉلگه کیریتگن معلوماتلری سابق حکومت سقوط قیلگنی نینگ بیرینچی کونلریده اوشبو تلویزیون نینگ دفتری حقانی ترماغیگه تېگیشلی جنگریلر قۉلیگه توشگن، اما کېینچه‌لیک قندهارلیک طالبلر اولرنی مذکور دفترنی ترک قیلیب چیقیشلری بیلن آگاهلنتیرگن.
مذکور تلویزیون نینگ سابق بیر قطار ایشلاوچیلری همده خبردار منبعلرنینگ معلوماتی اساسیده، حقانی ترماغی نینگ جنگریلری مدافعه وزیرلیگی سرپرستیگه تېگیشلی قندهارلیک طالبلر بیلن جنجال قیلیب، اوشبو گروه سنا مجلسی تلویزیونی نینگ بوتون جهازلرینی اۉزلری بیلن بیرگه آلیب کېتگنلر. سابق مسووللر و ایریم منبعلر، اوشبو تلویزیون نینگ اوسکونه‌لری اوچ میلیون‌دن بېش میلیونگه‌قدر ساتیب آلینگن اېدی، اما بو تلویزیون نینگ اېنگ سۉنگی مسوولی اوشبو اوسکونه‌لر تخمنی ۱۰۰ مینگ امریکالیک دالرگه ساتیب آلینگن اېدی دېب ایتگن. سابق مسووللر همده خبردار منبعلرنینگ بیلدیریشلریچه، بیرینچی بار اوشبو تلویزیون اداره‌سینی اۉز کنترولی آستیده آلگن گروه فلم‌بردارلیک کمره، تلویزیون، مبل‌و‌فرنچر، اوسکونه‌لر ، استدیولر تخنیکی بویوملری، خوفسیزلیک کمره‌لر و دفترنینگ باشقه جهازلرینی اۉزلری بیلن آلیب کېتگنلر دېدیلر. ۸صبح کونده‌لیگی سابق سنا مجلسی تلویزیونی ایشلاولرچیلری ادعاسینی باشقه کمیده اوچ منبع بیلن هم شریک قیلگن و اولر هم بو معلوماتلرنی تصدیقله‌گنلر. بو معلوماتلرگه قره‌گنده، «کمره، تلویزیونلر، کرن، ترای‌پات، لایتنگلر، کروماکی، کمپیوتر، تلویزیونلر، دانگل، سوندسیستم، وایس ریکاردر، یو‌پی‌اس، ترانسفارمر، خوفسیزلیک کمره‌لر و دفتر جهازلری» تلویزیون دفتریدن طالب جنگریلر تامانیدن اۉغیرلب کېتیلگن اوسکونه‌لردن حسابنله‌دی.
سابق سنا مجلسی تلویزیونی نینگ ۵۷ ایشلاوچیسی بۉلگن. اوشبو تعداد ایشلاوچیلر گزارشگرلیک، نطاقلیک، فلم‌بردارلیک، عکاسلیک، تخنیکی بۉلیم و اداری بۉلیملرده ایشله‌گنلر و بولردن ۱۲ ته‌سی رسمی شکلده مقرر بۉلگن و ۴۵ته‌سی اېسه قراردادی بۉلگنلر. طالبلر اۉزی نینگ حاکمیتی بیرینچی کونلریده، بو تلویزیون ایشلاوچیلرینی ایش دفترلریگه باریشگه منع قیلگنلر. سنا مجلسی تلویزیونی نینگ ایشلاوچیلری همده مسووللری، طالبان جنگریلری بولر بیلن قوپال یانده‌شگن حتی شخصی وسایللرینی دفتردن آلیب چیقیشگه هم رخصت بېرمه‌گنلر.
هارون نیرومند نېگه جانیگه قصد قیلدی؟
گزارشده اسمی فاش اېتیلیشینی ایسته‌مه‌گن سنا مجلسی تلویزیونی نینگ سابق ایشلاوچلریدن بیری ۸صبح کونده‌لیگی بیلن صحبت ایتیشیچه، هارون نیرومند تلویزیون نینگ جهازلری همده امکانیتلری اۉغیرله‌نیب کېتیلگنیدن خبردار بۉلگندن سۉنگ، قتّیق روحی کسللیککه چلینگن اېدی دېدی. اونگه کوره، تلویزیون اوسکونه‌لری نینگ کتّه قسمی بونینگ آتیگه قید بۉلگن و شو ناحیه‌دن جدی تشویشگه توشگن.
سنا مجلسی تلویزیونی نینگ بو ایشلاوچیسی: «هارون نیرومند تلویزیون نینگ برچه اوسکونه‌لری اۉغیرله‌نیب کېتیلگنیدن خبردار بۉلگندن سۉنگ، شونینگدېک طالبلر تۉرت – بېش آیلیک معاشلری تۉله‌نیله‌دی دېب وعده بېرگنلر، باشقه بیر تاماندن نیرومند اقتصادی قیینچیلیک بیلن یوزمه یوز بۉلگن، همکاریم اېدی، بیر- بیراویمیزنینگ تیریکچیلیگیمیزدن خبردار اېدیک، تاسف بیلن نهایت هارون نیرومند کېچه‌لردن بیری اۉزینی آسیب جانیگه قصد قیلگن. بو مېن اوچون جوده قۉرقینچ بیر خبر اېدی.» سنا مجلسی تلویزیونی نینگ بو ایشلاوچیسی:
«هاروند نیرومند طالبلرنینگ ایکّی ییلدن کۉپراق وقت ایچیده خبرنگارلر، حربیلر و سابق حکومت ایشلاوچیلرینی بار- بار جبری اعتراف آلگنیدن خبردار بۉله‌دی. ۸صبح کونده‌لیگی طالبلرنینگ تورمه‌لرده‌گی وضعیتی اینیقسه اوشلب آلینگنلرنینگ یوزگه سییش، ایاغدن آسیش، تشاغلرگه تاش باغلش، برققه بېریش، اویقوگه قۉیمسلیک طالبلرنینگ تورمه‌سیده رواج بۉلگن قیناقلریدن موردلر تۉغریسیده گزارش تیارلب نشر قیلدی.
سنا مجلسی تلویزیونی نینگ بیر قنچه ایشلاوچلریگه کۉره، هارون طالبلرنینگ قیناقیلری حقیده‌گی اچیق روایتلرنی اېشیتگندن سۉنگ تدریجی اۉلیمدن قۉرقیب، اۉز جانیگه قصد قیلگن. اولرنینگ سۉزلریگه کوره، طالبلر هاروننی نېچه بار جوابگرلیککه تارتگن، آتی یازیلگن اوسکونلرنی بولرگه تاپشیریشنی ایسته‌گن، حال بوکه تلویزیون نینگ برچه بویوم و اوسکونه‌لری بو گروه جنگریلری تامانیدن «تالان قیلیگن» اېدی.
نیرومندنینگ همکارلریدن بیری: «خبرنگارلریمیزدن بیری هارون نینگ اوییگه بارگن اېدی، اونینگ آته‌سی همده ایناغه‌سی طالبلر هر کون هارون نینگ کینیدن اویگه کیلردیلر دېب ایتگنلر. اونی کمره‌نی تاپیب بېر دېب قسته‌گنلر.»
معلومات جمعلش جریانیده صحبت اۉتکزیلگن هارون نیرومندنینگ بیر قنچه همکارلری، سنا مجلسی تلویزیونی نینگ اوسکونه‌لر انیق قچان اۉغیرلنگنیدن خبرلری بۉلمه‌گنینی تصدیقله‌گنلر، لېکن بو تۉغریده‌گی چاره تدبیر قویاش ۱۴۰۰ ییل عقرب آییدن سۉنگ عملگه آشیریلگن. اولرنینگ سۉزلریگه کۉره، دفترنینگ بویوملری همده تخنیکی اوسکونه‌لری «اۉغیرلنگن»دن بیر هفته سۉنگ هارون نیرومند طالبلر جنگریلری آرقلی تکرار باسیم آستیگه آلینیشی نتیجه‌سیده جانیگه قصد قیلگن اېدی. سنا مجلسی نینگ سابق بو ایشلاوچیلری نینگ کۉپه‌یتیریشیچه، طالبلر اوشلب آلیب قیناققه آلیشدن قۉرققن حد اقل تلویزیون ایشلاوچلری نینگ کمیده بېش آیلیک معاشلر تۉلنمه‌گنی سبب بولرنینگ کۉپینچه‌سی اینیقسه هارون یامان اقتصادی وضعیت و قشقالیک بیلن روپه‌ره بۉلگن. بوندن آلدین، هارون نینگ آته‌سی همده ایناغه‌سی یېتکرمه‌لرگه سنا مجلسی تلویزیون نینگ اوسکونه‌لری یوقالگندن سۉنگ، هارون‌گه طالبلر آرقلی قۉییلگن باسیملر، ایش‌سیزلیک و قشاقلیک سبب اۉزینی آسیب حیاتیگه نقطه قۉیدی دېگن اېدیلر. حقوق و علوم سیاسی بۉلیمنی بیتتیرگن هارون نیرومند چمه‌سی اوچ ییل سنا مجلسی تلویزیونیده بو تلویزیون نینگ تخنیکی بۉلیمی مسوولی صفتیده خذمت قیلگن. اونینگ همکارلری هر دایم هارون نینگ ایزگو یانده‌شووی، ایش قابلیتی و اولکه‌گه خذمت قیلیش خصوصیده بۉلگن تعهدینی تیلگه آلیب اونی مخته‌یدیلر.
سابق سنا مجلسی تلویزیونی نینگ اوشبو ایشلاوچیلری تلویزیون نینگ اوسکونه‌لری طالبلر طرفیدن اۉغیرله‌نیب کېتیلگندن کېین، هارون نیرومند بو نهادنینگ رسمی ایشلاوچلریدن بۉلگنی سبب اوسکونه‌لرنینگ کۉپینچه‌سی بونینگ آتیده قید بۉلگن و روحی باسیملر و اقتصادی قیینچیلیک سبب ۱۴۰۰- ییل ۱۸- عقرب جانیگه قصد قیلیب حیاتیگه پایان بېردی دېدیلر.
سابق سنا مجلسی تلویزیونی نینگ کمیده بېش ایشلاوچیسی، سابق سنا مجلسی تلویزیونی نینگ رسمی ایشلاوچیلریدن بیری هارون نیرومند تلویزیون نینگ بار یوغی اۉغیرله‌نیب کېتیلگندن سۉنگ جانیگه قصد قیلگنینی اعتراف اېته‌دیلر. اولرنینگ سۉزلریگه کۉره، کۉپینچه اوسکونه‌لر اونینگ آتیده ثبت اېدی تلویزیون اوسکونه‌لری «اۉغیرلنگنیدن» خبر بۉلگندن کېین اۉزینی جانیگه قصد قیلدی. ۸صبح کونده‌لیگی نینگ قۉلگه کیریتگن معلوماتلریگه قره‌گنده، جمهوریت زمانیده هم آیلیکلر ی تۉلنمه‌گن مذکور تلویزیون نینگ قراردادی ایشلاوچلری نېچه بار طالبلرنینگ دفتری جمله‌دن طالبان کنترولی آستیده‌گی اخبارات و مدنیت وزیرلیگی نینگ نشرات معینی یانیگه بارگنلر. بولر طالبلرنینگ سۉزلاوچیسی همده اخبارات و مدنیت وزیرلیگی نینگ اۉشه زمانده‌گی نشرات معینی ذبیح‌الله مجاهدگه مراجعه قیلگنلر.
مجاهد بیلن اوچره‌شووده حضوری بۉلگن ایشلاوچلر بیر قطاری نینگ بو حقده تفصیلات بېریب ایتیشیچه، مجاهد سنا مجلسی تلویزیونی نینگ ایشلاوچیلریگه مساله‌نی تېکشیریش و ایشلاوچلرنینگ معاشی بېریلیشی حقیده وعده بېرگن اېدی، لیکن مساله‌دن ایکّی ییل اۉتیشیگه قره‌مه‌ی بېر یلگن وعده‌لردن هیچ بیری هم عملگه آشیریلمه‌گن. فقط بو اداره‌نینگ رسمی کارمندلری ۱۴۰۰ یکونیگه قدر اۉز معاشلرینی قۉلگه کیریتگنلر تمام.
عین حالده سابق سنا مجلسی تلویزیونی نینگ مسوولی میرویس خاورین ۸صبح کونده‌لیگی بیلن اۉتکزگن صحبتده، طالبان جنگریلری اوشبو گروه مملکتگه حاکم بۉلیشی بیلن اۉزی شامل بو اداره نینگ هیچ بیر ایشلاوچیسینی دفترگه کیریشگه رخصت بېرمه‌گنلر اولرنی «کتّه شیطانلر» دېب اته‌گنلرینی تیگله آلدی. اونینگ سۉزلریگه کۉره، بیرینچی مرته بو تلویزیون کنترولینی آلگن طالبان جنگریلری تلویزیون نینگ برچه جهاز و اوسکونه‌لرینی اۉزلری بیلن بیرگه آلیب کېتگنلر.
سابق سنا مجلسی تلویزیونی مسوولی نینگ ایتیشیچه: «بیر طالب قوماندان میدان وردک ولایتیدن اېدی. کۉپ یلینگنیمدن سۉنگ، تلویزیو حویلیسی نینگ صحنیگه رخصت بېردی. گپلری همه‌سی فقطگینه تحقیر، اهانت و اخطار اېدی نهایت باشقه بارمسلیککه قرار آلدیم. شونگه قره‌مه‌ی بعضی همکارلریمیز هر کون بارردیلر، لېکن اولرگه ایچکری باریشگه رخصت یۉق اېدی. باشقه بیر کون سنا مجلسیده طالبلرنینگ استخبارات رییسی اشرف شهیدی ناملی کیشی بیزلرنی چقیردی. جوده قۉپال یانده‌شیب سیزخبرنگارلر یېریک شیطانلر سیزلر و بیزلرنینگ سیزلرگه ضرورتیمیز یۉق دېدی.»
خاورین جنابلریگه کۉره، «مشرانو جرگه تلویزیونی مشرانوجرگه اعضالری نینگ سعی و حرکتی بیلن زمانوی و یخشی اوسکونه‌لر بیلن ایجاد بۉلگن اېدی. اوسکونه‌لر کتّه مقدارده‌گی پولده ساتیب آلینگن اېدی. کمره‌لر، کرن، استدیو، کروماکی، وایس ریکاردرلر و کمپیوترلر برچه‌سی بار، یعنی بوتون امکانیت بیلن جهازلنگن اېدی. شونینگدېک سنا مجلسی تلویزیونی نینگ سابق مسوولی، تلویزیون نینگ برچه جهازلری طالبلر اۉرته‌سیده‌گی قرمه‌قرشیلیک نتیجه‌سیده «اۉغیرله‌نیب» کېتیلدی دېب تصدیقله‌یدی. او، «وردک‌لیک » طالبلرنی مذکور اوسکونه‌لرنی اۉغیرله‌گن لیکده عیبله‌دی. چونکه بیرینچی مرته مذکور تلویزیونگه شو جنگریلر کیریب اۉز کنترولیگه آلگن. بو جنگریلر حقانی ترماغیگه قره‌شلی طالبلر اېدی. خاورین جنابلری: «چمه‌سی یېتّی یا سکّیز کمر بار اېدی، اوچ کمره استویودیده اۉرنه‌تیلگن اېدی بولر همه‌سی کرنلر، تراپایتلر و یایتنگشلر بیلن مکمل اېدی. تخمینا گدام‌ده ۱۰۰ متر کروماکی تکمه‌میز بار اېدی. کمپیوترلر، سوندسیستم، وایس، ریکاردرلر، سېس و تصویرنی ایدیت قیلیش اوچون کمپیوترلر، یو‌پی‌اس‌لر، ترانسفارمرلر، برچه چه اوسکونه‌لر موجود اېدی. خوفسیزلیک کمره‌لر فعال اېدی. سابق حکومت نینگ سۉنگی کونلریده برچه جهاز و نرسه‌لر سجل اېتیلگن اېدی و اداره ده موجود اېدی. بو اداره نینگ برچه جهازلری تخمینا بیرلک دالر اېدی. بو بیلن بیرگه سابق ملی کېنگش سنا مجلسی نینگ بیرینچی اۉرین باسری محمد علم ایزدیار ۸صبح کونده‌لیگی بیلن مصاحبه‌ده، اوشبو مجلس تلویزیونی مسووللی نینگ اظهاراتلرینی تصدیقلب، طالبلر حاکمیت تیپه‌سیگه کېلگندن کېین ایشلاوچلر بو تلویزیونگه باره آلمه دیلر بو مدت ایچیده تلویزیون نینگ بار یوغ امکانیتی اۉغیرلب کېتیلگن دېب ایتدی.
باشقه بیر تاماندن، نامی فاش اېتیلیشینی ایستمه‌گن بو تلویزیون نینگ سابق مسووللریدن بیری نینگ ایتیشیچه، طالبلر حاکمیتگه کېلیشی بیلن بو گوره فقطگینه ایشلاوچیلرنینگ معاشینی تۉله‌مه‌گن، بلکه بو اداره نینگ برچه تخنیکی اوسکونه‌لرینی حیف و میل اېتگنلر. اونینگ ادعا قیلیشیچه، تلویزیون نینگ بناسی حاضرگی کونده «ملا یعقوب نینگ مهمانخانه‌سی» بۉلگن دیر. سابق سنا مجلسی تلویزیونی نینگ اوشبو مسوولی: «اوچ‌ته این‌دور کمره، اوچ‌ته اوت‌دور کمره، چمه‌سی ۲۰ ته کپمیوتر» و تلویزیون نینگ باشقه جهازلرینی طالبلر اۉزی بیلن آلیب کېتگن. سابق سنا مجلسی تلویزیونی نینگ باشقه بیر ایشلاوچیسی نینگ ۸صبح کونده‌لیگیگه ایتیشیچه: «اوسکونه‌لر تالان قیلیندی. طالبلر بو مکاننی حاضر مدرسه‌گه ایلنتیرگنلر.» اونگه کۉره، بو تلویزیون نینگ برچه اوسکونه و جهازلری تامانلر ارا قرمه قرشیلیک نتیجه‌سیده اۉغیرلنگن دیر. سابق بو خادم نینگ ایتیشیچه: «قندهارلیک طالبلر حقانی لرگه تلویزیوننی تشلب چیقیشنی سوره‌گنلر، بۉلمسه وضعیت بوزیله‌دی دېب آگاهلنتیرگنلر. حقانیلر چیققنلر و اوسکونه‌لرنی اۉغیرله‌گنلر. اوسکونه‌لر طالبان نینگ عقده‌لری نتیجه‌سیده اۉغیرلنگن دیر.» سابق تلویزیون ایشلاوچلرنینگ تاکیدله‌شیچه: «جمهوریت سقوطی نینگ ایکّینچی کونیده دفتر باردیم. طالبلر اۉزیمیز خبر بېرگونچه تلویزیونگه کیرمنگلر دېب ایتدی. اۉشه زمانده تلویزون حقانی ترماغی جنگریلری قۉلیده اېدی.» اونگه کۉره: «اسکرینلر، کمره‌لر و مینگلب دالرگه آلینگن باشقه اوسکونه‌لر آلیب کېتیلگن. چونکه قندهارلیک طالبلر حقانی ترماغی طالبلرینی بو یېرنی تشلب چیقیش اوچون اوچ کون مهلت بیېگن اېدی. قندهارلیک طالبلرگه بو دفترگه کېلگنده تلویزیون نینگ جهازلریدن هیچ نرسه قالمه‌گن اېدی.»
سابق سنا مجلسی تلویزیونی نینگ ایشلاوچلری، بو معمالر برطرف اېتلیشی همده معاشلری تۉلنمه‌گنی اوچون نېچه مرته طالبلرگه تېگیشلی مرجعلرگه مراجعه قیلگنلر، لېکن گروه بولرنینگ هیچ بیر ایستگیگه جواب بېرمه‌گن و معاشلرینی هم تۉلمه‌گن. اولرنینگ ایتیشیچه، آلتی آی معاش آلمه‌گن، لېکن طالبلرنینگ اداره‌سیگه مراجعه قیلگنده، طالبلر بولرگه بارینگ، سابق اداره‌دن معاشینگیزنی آلینگ دېب جواب بېرگنلر.
عین حالده، طالبان نینگ مسووللری سۉنگی ایکّی ییل ایچیده نېچه بار دولت نینگ ماللرینی غصب قیلگنلیکده عیبلنگنلر. اېنگ ینگی موردده، ۸صبح کونده‌لیگی نینگ قۉلگه کیریتگن معلوماتیده، طالبان نینگ بامیان ولایتیده‌گی محلی بیر مسووللی، اۉزی نینگ ماموریتی زمانیده اداره نینگ برچه امکانیت و جهازلرینی اوییگه آلیب کېتگن. بو محلی مسوول اېسه یقینده مذکور گروه استخبارات اداره‌سی آرقلی مساله بۉییچه تېکشیرووگه آلینگن. شونینگدېک، طالبلر افغانستان‌ده حاکمیت تېپه‌سیگه کېلگن کونلری نینگ بیرینچسی‌سیده، سابق حکومت بلند مرتبه‌لی رسملری نینگ شخصی ماللر و نقد پوللرینی بولرنینگ اویدن آلیب کېتگن اېدیلر. شونینگدېک بو گروه سابق حکومت بلند مرتبه‌لی رسمیلری، پارلمان اعضالری حتی تجارلرنینگ شخصی موترلرینی پارکینگلردن چیقاریب اۉز جنگریلری و قوماندانلری اختیاریگه بېرگن اېدیلر.
طالبان بو گزارش نشر بولگونچه هم سابق سنا مجلسی تلویزیونی ایشلاوچیلری نینگ بو خواطرلیگه جواب بېرمه‌گنلر و بونگه اۉخشش دوسیه‌لرنی حقیده‌گی عیبلاولرنی رد قیلیب کېلگنلر.
