امریکا: غزه گه انسان پرورلیک یاردملر یېتکزیب بیریلیشی اوچون اسکله توزه‌تیلگن
امریکا مدافعه وزیرلیگی، غزه خلقی گه انسان پرورلیک یاردملر یېتکزیب بیریلیشی اوچون اسکله (لنگرگاه) توزه‌تیلگنیدن خبر بیرگنلر.
پنتاگون ۷ می، سه‌شنبه کونی بیر بیانیه ترقه‌تیب، آب‌وهوا مناسب اېمسلیگی باعث حاضرگی شرایط ده ایکّی بولیمدن تشکیل اېتیلگن بو بندر نینگ انتقال بیریش مصوون اېمس‌لیگینی بیلدیرگن.
بو اسکله که امریکا قۉشمه ایالتلری اردوسی توزه‌تیش ایشینی اپریل آی ده باشله‌گن اېدی کمیده ۳۲۰ میلیون دالر خره‌جت کوتارگن.
بو بندر نینگ توزه‌تیلیشیدن مقصد، غزه ده فلسطین خلقی گه انسان پرورلیک یاردم یېتکزیب بیریلیش عنوان قیلینگن.
غزه ده یشه‌یدیگن فلسطین‌لیکلر، ییتّی آی دن بېری اسراییل و حماس اۉرته‌سیده‌گی اوروش طفیلی انسان پرورلیک یاردملر گه جدی نیازمند بولگنلر.
خلق‌ارا تشکیلات‌لر جمله دن امریکا قۉشمه ایالتلری نیچه مراتبه غزه خلقی آچرچیلیک انقراضی بیلن دوچ بولیب و انسان پرورلیک یاردملر تېزلیک بیلن یېتکزیب بیریلمه‌گن حالده، بو منطقه ده انسانی فاجعه یوز بیریشیدن آگاه‌لنتیرگن.
اسراییل چېگره بندرلر اینیقسه رفح بندری آرقه‌لی غزه خلقی گه انسان پرورلیک یاردم یېتکزیب بیریلیشی گه مانع بولگن بیر حالده، امریکا قۉشمه ایالتلری جمهور باشلیغی جوبایدن مارچ آی اوللریده اوشبو بندر نینگ توزه‌تیش ایشی باشلنگنینی اعلام قیلدی.
