ملی مقاومت جبهه‌سی دنیا همجمعیت طالبان گه نسبتن مسوول‌سیزلیک سیاستی گه چېک قوییشی کېره‌ک
۸صبح، کابل: افغانستان ملی مقاومت جبهه‌سی ۸ ثور سابق ساوویت قوشینلری گه قرشی مجاهدلر نینگ غلبه قازانیش ۳۲ ییللیگی مناسبتی بیلن، منطقه و دنیا همجمعیت طالبان گه نسبتن «مسوول‌سیزلیک سیاست‌لری» گه چېک قوییشی کېره‌ک دیگن.
بو جبهه ۸ ثور شنبه کونی بیر بیانیه ترقه‌تیب، «طالبان نینگ ظلمی، عدالت‌سیزلیگی، و قییناق‌لشی» مملکت فقرالری اوچون افغانستان نی «بویوک تورمه‌خانه» گه اېلنتیرگنینی ادعا قیلگن.
بیانیه ده کېلیشیچه: «اوشبو مناسبت بیلن برچه اېرکسیور و کېله‌جککه اینتیلووچیلردن اېسته‌یمیز که طالبان رژیمی گه قرشی واحد و کوچلی صف قوریب و اهالی همده کېله‌جک نسللر برابری ده وجدانی و ایمانی مسوولیت‌لرینی بجرسینلر.»
افغانستان ملی مقاومت جبهه‌سی، «خلق‌ارا تروریسم» کېنگه‌یمسلیگی اوچون دنیا همجمعیتدن افغانستان خلقینی قۉللب-قوتلشینی سۉره‌گن.
بوکوندن ۳۲ ییل اول (۱۳۷۱ ییل ۸ ثور) مجاهدلر سابق ساوویت اتفاقی نینگ قوشینلری گه قرشی نیچه ییللیک اوروش گه غلبه قازاندیلر.
بوکون افغانستان یشاوچیلریدن بیرقطاری نینک فکر-ملاحظه نقطه‌ی نظریدن غلبه قازانیش کونی حسابلنه‌دی و بیرقطاری هم سکیز ثور نی ینگی بدبخت‌لیکلر باشلنیشی بیله‌دیلر.
