تخار ده طالبان قرارگاهی گه هجوم؛ ملی مقاومت جبهه‌سی بیر طالب اۉلدیریلیشینی ادعا قیلدی
۸صبح، تخار: افغانستان ملی مقاومت جبهه‌سی تخار ده طالبان نینگ بیر قرارگاهی گه کوچلری نینگ هجومیده، طالب بیر جنگری‌سی اۉلیب و باشقه اوچ نفری یره‌لنگنینی ادعا قیلگن.
بو هجوم ۴ حمل، شنبه کیچه ساعت ۱۲:۰۰ اطرافی‌ده تالقان شهری بیشینچی خوفسیزلیک حوزه حدودلری «نهرچمن» منطقه‌سیده اۉیوشتیریلگن.
ملی مقاومت جبهه‌سی گه کوره، طالبان نینگ قرارگاهی گه هجوم قریب یریم ساعت دوام تاپگن.
شو بیلن بیرگه، محل یشاوچیلری نینگ ایتیشلریچه، اوشبو هجوم قریب ۱۰ دقیقه دوام تاپیب و نتیجه ده بیر رنجر و طالبان قرارگاهی بیناسی نینگ بیر قسمی بوزیلگن.
طالبان بوتوغریده حاضرگچه هېچ نرسه دیمه‌گن.
تالقان شهری نهرچمن منطقه‌سی طالبان نینگ ولایت مقامی، امنیه قوماندان‌لیگی و استخبارات ریاستیدن بیر کیلومتر اوزاق ده جایلشگن.
