مقاومت جبهه‌سی اوچون دیوار ده شعار یازیش گه گُمان سېره‌ش؛ تخار ده طالبان توقیز کیشینی قولگه آلدی
تخار ده‌گی محلی منبعلر نینگ ایتیشلریچه، طالبان تالقان شهری نینگ توقیز اهالیسینی افغانستان ملی مقاومت جبهه‌سی اوچون دیوار ده شعار یازیش عیبی بیلن قولگه آلگنلر.
منبعلر ۳۰ دلو، دوشنبه کونی ۸صبح کونده‌لیگی گه طالبان سونگی ایکّی کون اېچیده تخار مرکزی تالقان شهری گه قره‌شلی زرگری منطقه‌سیدن یاش‌لر، کېکسه‌لر و بیر مسجد امامینی قولگه آلگنلر.
طالبان نینگ بیرینچی حوزه و استخبارات جنگری‌لری بو کیشیلرنی قولگه آلیش پیتیده قییناق‌لب و اولرنی نامعلوم جای گه انتقال بیرگنلر.
منبعلر نینگ ایتیشلریچه، طالبان محل یشاوچیلری گه دیوار ده شعار یازووچیلر تاپیلمه‌گونچه قولگه آلینگنلر قوییب یوباریلمسلیگینی ایتگنلر.
دیوارلر ده ملی مقاومت جبهه‌سینی قوللب-قوتلش اوچون ایریم شعار یازگن‌لیکّه عیبلنگن بو توقیز کیشی نینگ تقدیری همان نامعلوم دیر.
طالبان بوتوغریده حاضرگچه هیچ نرسه دیمه‌گنلر.
طالبان سۉ نگی کون‌لرده مملکت نینگ ایریم بورچک‌لریده ملی مقاومت جبهه‌سی گه همکارلیک قیلیش عیبی بیلن اونلب کیشینی قولگه آلگن.
