پاکستان رسمی‌سی: قانونی مدرک‌لری بولگن افغانلر گه قرشی هر قنده‌ی اقدام نفرت گه سبب بوله‌دی
۸صبح، کابل: خیبرپختون‌خوا ایالتی سۉزلاوچیسی محمدعلی سیف، پاکستانده قانونی شکلده تېریکچیلیک قیلیب کېله‌یاتگن افغانستان‌لیک قاچقینلر، قییناقلنیب و جبری شکلده چیقریلمسلیگینی بیلدیرگن.
سیف بو سۉزلرنی ۲ ثور، یک‌شنبه کونی پاکستان یېتکرمه‌لری بیلن اۉتکزگن صحبتیده بیان قیلگن.
خیبرپختون‌خوا ایالتی سۉزلاوچیسی، قانونی مدرکی بولگن قاچقینلر نینگ جبری چیقریش «ایکّی مملکت» مناسبتی گه سلبی تاثیر قیلیشیدن آگاه‌لنتیرگن.
اونگه کوره، اوشبو ایالتده ناقانونی طرزده تېریکچیلیک قیلیب کېله‌یاتگن افغانستان‌لیکلر، مملکتلری گه قیتیریلگن.
اونینگ کوپه‌یتیریشیچه: «افغانستان‌لیک ناقانونی قاچقینلر بیر دلیل بیلن چیقریلگن، بیراق قانونی طرزده بو ییرده تېریکچیلیک قیله‌یاتگن افغانلر بیلن بونده‌ی یانده‌شه آلمه‌یمیز.»
خیبرپختون‌خوا محلی حکومت سۉزلاوچیسی، قانونی مدرکی بولگن افغانستان‌لیکلر گه قرشی هر قنده‌ی اقدام «بیز و افغانستان‌لیکلر آره‌سیده نفرت، توشونماوچیلیک و ایشانچ‌سیزلیکّه» سبب بولیشیدن آگاه‌لنتیرگن.
پاکستان دولتی اوشبو مملکتدن افغانستان‌لیک قاچقینلر نینگ چیقریش ایکّینچی باسقیچینی ۲۷ حمل باشله‌دی.
پاکستاندن افغانستان‌لیک قاچینلر نینگ چیقریش بیرینچی باسقیچیده، قریب ۵۵۰ مینگ قاچقین مملکت قیتگن اېدیلر.
