خوست ده اعتراضچیلر: طالبان امتحان داوطلبلری نینگ پولینی اوغیرلهگن؛ طالبان: پول آلگنیمیز یوق
خوست ولایتی یشاوچیلریدن بیرقطاری، اوشبو ولایت ساغلیقنی سقلش ریاستی مقابلیده ناراضیلیک همایش اۉتکزیب طالبان رسمیلرینی اداری فساد، لوازملریدن فایدهلنیش و اوغیرلیک قیلیش گه عیبلهگنلر. اعتراضچیلر گه کوره، طالبان حاکمیتیده خوست ساغلیقنی سقلش ریاستی چمهسی ۴۰۰ داوطلب قیز دن حجتلرینی تصدیقلش آتیده ساغلیق موسسهلردن بیری گه ثبتنام قیلیش اوچون هر بیریدن ۵۰۰ افغانی نقد پول آلگن. اولر طالبان نی برچه قیزلردن پول آلیش بیلن یالغیز ۵۰ قیز گه سناو کارتینی بیریش گه عیبلهیدیلر. شو بیلن بیرگه، مذکور ولایتده طالبان عملدارلری پول آلمهگنلر و اعتراضچیلر ادعالرینی ثابت قیلیشلرینی اېتهدیلر.
اۉتگن کون خوست ولایتی یشاوچیلریدن بیرقطاری مذکور ولایتده طالبان ساغلیقنی سقلش ریاستی مقابلی ده ناراضیلیک بیلدیردیلر. اعتراضچیلر خوست ولایتی ساغلیقنی سقلش ریاستیده مذکور گروه نینگ محلی رسمیلرینی اوغیرلیک، لوازملریدن فایدهلنیش و اداری فساد گه عیبلهگنلر. بو اعتراضچیلر گه کوره، طالبان ۴۰۰ قیز دن بیر موسسه تامانیدن اعلام بولگن بستلردن بیری گه اشتراک قیلیش اوچون حجتلرینی تصدیقلش و سناو گه اشتراک قیلیش اوچون کارت بیریش آتیده هر بیری دن ۵۰۰ افغانی آلگن، لېکن اولر یالغیز ۵۰ قیز گه سناو گه اشتراک اېتیش کارتینی بیرگنلر.
طالبان ۳۵۰ قیز نینگ پولینی قیتریب بیرمهگن و ۱۷۵ مینگ افغانینی اۉزلری آلگن دیه ادعا قیلهدیلر، اعتراضچیلر. اولر نینگ ایشانچی گه کوره، موسسهلر تامانیدن آلینهدیگن سناو شفاف اېمس و طالبان رسمیلری اونگه عملاً ارهلشهدیلر.
اعتراضچیلردن بیرقطاری، خوست ساغلیقنی سقلش ریاستیده طالبان محلی رسمیلری، اوشبو ولایت مرکزی و تومنلریده قرینداشلریدن ۳۰ کیشینی پول عوضی گه نرسنگلیک و قابلهلیک بستلری گه اېتیب تعیینلهگنلرینی ادعا قیلهدیلر.
خوست ولایتیده اۉتگن کون اعتراض قیلگنلردن بیری منگلخان نینگ ایتیشیچه، مذکور ولایت نینگ ساغلیق انستیتوتلری بیریدن فارغ بولگن ایناغهسی نینگ اوغلی اوچون رقابتی سناو گه اشتراک قیلیش فورمنی آلگن اېدی. منگلخان نینگ کوپهیتیریشیچه، پول بیرگن بولسه ده، طالبان جیینینی رقابتی سناو گه اشتراک اېتیش گه اېزین بیرمهگنلر. اونگه کوره: «خو سیزلر [طالبان] بیزدن پول آلیب و فراغت حجتلریمیزنی هم آلدیلرینگیز و بیز گه سناو دن آلدین اشتراک قیلیش کارتینی بیردیلرینگیز تصدیقلهیمیز، حاضر بیز گه نیمه جواب بیرهسیزلر؟ جیینیم نینگ حجتی ایشانچلی اېمس، کېل بونی بیز گه اثباتله! در حقیقت بوندهی اېمس، اوشبو ولایتده سبق اوقیگن و شو ساغلیقنی سقلش ریاستی امضاسی بیلن آلقیشنامهسی بار.»
اعتراضچیلردن باشقه بیری مشفق، طالبان خوست ساغلیقنی سقلش ریاستینی دکان گه اېلنتیرگنینی اېتهدی. اونگه کوره، دولت و موسسهلر نینگ بستلری بو گروه رسمیلری تامانیدن ساتیلهدی. خوست اوشبو یشاوچیسی نینگ کوپهیتیریشیچه: «بو دکاندارلیک اېمس نیمه؟ ۴۰۰ کیشیدن هر بیری دن ۵۰۰ افغانی آلگنسیزلر بو کوپ پول بولهدی. قرینداشلرینگیز یا که پول کوپراق بیرگن کیشیلر گه سناو گه اشتراک قیلیش کارتینی بیردیلرینگیز. حاضر شولر [طالبان] کېلیب یشاوچیلر گه قناعت بیرسین بو ایشنی دلیلی نیمه.»
مشفق جنابلری طالبان محلی رسمیلری نینگ بیریدن نقل قیلیب طالبان پول آلگنلرینی انکار اېتگنینی ایتهدی، اونگه کوره: «ساغلیقنی سقلش بیر مسوولی [طالبان] اعتراضیمیز برابری ده بیفرق بولیب هېچ پول آلگنلری یوق و بوتوغریده هېچ ثبوت و گواهلرینگیز یوق دیب اېتدی.»
بوندن آلدین طالبان نینگ ایچکی و خارجی نهادلر نینگ ایشلری گه ارهلشووی خصوصیده اېریم گزارشلر ترقهلگن بیرحالده خوست ولایتی یشاوچیلری اعتراض بیلدیرگنلر. بو گروه سۉنگی قریب اوچ ییلده نیچه مرابته حکومت ادارهلریده کیشیلرنی پول عوضی و قرینداشلرینی تعیینلش گه عیبلنگن، بیراق اولر هردایم دولت ادارهلریده فساد و واسطهبازلیکّه چېک قوییلگنینی ادعا قیلگنلر.
عینحالده طالبان نینگ پارهخورلیگی و بیتالمال سرمایهلرینی تالان-تاراج قیلیش گه دایر یېتکرمهلر تامانیدن اېریم گزارشلر ترقهلگن.