رینا امیری هرات ده شیعه نماز اوقووچیلر گه هجوم قیلگنلر جوابگرلیکّه تارتیلیشینی طلب قیلدی
۸صبح، کابل: هرات ولایتی گذره تومنیده شیعه نماز اوقووچیلر گه قانلی هجوم اۉیوشتیریلگنیدن تورت کون اۉتگچ، امریکا نینگ افغانستانده خاتین قیزلر و انسان حقلری ایشلری بوییچه مخصوص وکیلی رینا امیری، اوشبو هجوم عامللری «جوابگرلیکّه» تارتیلیشینی اېستهگن.
امیری ۱۳ ثور، پنجشنبه کونی ایکس صحیفهسیده یازیشیچه، او هرات ده اۉیوشتیریلگن قانلی هجومنی قاره لهیدی.
اونینگ کوپهیتیریشیچه: «بو زورهوانلیک حرکت ضعیف جماعهلر نینگ تینیمسیز تعقیب قیلینیشنی اېسلتهدی. عیبدارلر جوابگرلیکّه تارتیلیشی کېرهک.»
ایتیش کېرهک ۱۰ ثور، دوشنبه کونی شام پیتی، موترسایکل دهگی قوراللی کیشیلر هرات ولایتی گذره تومنیده شیعه نماز اوقوچیلر گه هجوم اۉیوشتیردی.
بو هجومده عیاللر و بالهلر شامل آلتی نماز اوقووچی هلاک بولیب و باشقه بیر کیشی یرهدار بولدی.
خراسان داعش بولیمی بیر بیانیه ترقهتیب اوشبو هجوم مسوولیتینی تن آلگن.