مملکت نینگ اوچ ولایتیده طبیعی آفتلر باعث ییتّی کیشی هلاک بولگن
۸صبح، پکتیا: پکتیا، هرات و قندهار ولایتلریده طبیعی آفتلر عاقبتیده ییتّی کیشی هلاک بولگن.
پکتیا ده طالبان نینگ طبیعی آفتلرنی باشقریش ایشلری بوییچه ریاستی بیر بیانیه ترقه‌تیب، اوشبو ولایت نینگ زدران تومنیده تاغ قولشی عاقبتیده بیر عایله نینگ بیش اعضاسی اۉلگنینی بیلدیرگن.
بو واقعه ۲۷ حمل، دوشنبه کیچه ساعت ۱۲:۰۰ اطرافیده «خوسا چینگی» منطقه‌سیده یوز بیرگن.
اوشبو واقعه ده اوچ باله، بیر عیال و بیر ایرکک قربان بولگنلر.
باشقه تاماندن هرات ده‌گی منبعلر نینگ ایتیشلریچه، بوگون ایرته‌لب اوشبو ولایت نینگ ادرسکن تومنیده سوو تاشقینی عاقبتیده بیر یاش ییگیت هلاک بولگن.
قندهار ده‌گی منبعلر، مذکور ولایت نینگ دند تومنیده سوو تاشقینیده بیر باله جان بیرگنینی اېتگنلر.
مملکت نینگ بیرقطار ولایتلریده سۉنگی کونلرده‌گی یاغینچیلیک و سوو تاشقینلری، یشاوچیلردن جانی تلفات آلیش گه قوشیمچه اولر گه کوپ مالی ضرر یېتکیزگن.
