افغانستان و قزاقستان خصوصی بۉلیمی ۱۰۰ میلیونلیک دالرلیک تجاری کېلیشوو قۉل قۉیدلر
۸صبح، کابل: طالبان صنعت و تجارت وزیرلیگی افغانستان و قزاقستان خصوصی سکتوری سوغاریشنی باشقریش و سوونی تیجش بۉییچه ینگی تنکالوژی، آقینه و تورغندی باجخانه‌لریده لوژستیکی مرکزلر، هرات‌ده قزاقستان اتاقی، تور (کالا)لرنی یوکلش و ی ې ت یېکزیش خرجتی، آسانلیک یره‌تیش و ایکّی مملکت اۉرته‌سیده تجارت کولمینی آشیریش تۉغریسیده کېلیشووگه قۉل قۉییلگنینی اعلان قیلدی.
اوشبو وزیرلیک ۱۲- اسد، پنجشنه کونی، بیر توییت آرقلی مذکور کېلیشوو اوشبو گروه صنعت و تجارت سرپرستی نورالدین عزیزی رهبرلیک قیلگن طالبلر هیاتی و بیر قطار افغان سرمایه یاتقیزووچیلری‌نینگ قزاقستان باش وزیری ا ۉ رین باسری همده تجارت وزیری بیلن بۉلگن اوچره‌شوویده قۉل قۉییلگنی بیلدیریلگن.
اوشبو وزیرلیک‌نینگ توییتر صفحه‌سیده: « اوشبو اۉلتیریشده اوچره‌شوولر نتیجه‌سی، هر ایکّی تامان تجاری علاقه‌سی، قزاقستان – افغانستان کۉرگزمه‌سی اویوشتیریلیشی، ایکّی ممکت اۉرته‌سیده ترانزیت و بانکچیلیک قولیلیکلرنی یره‌تیش اوستیده بحث بۉلگن دېب یازیلگن.
قزاقستان افغانستانده طالبلر قیته‌دن حاکمیتگه کېلگندن سۉنگ اۉزی‌نینگ تجارت علاقه‌سینی بو گروه بیلن آشیرگن مملکتلردن حسابلنه‌دی. معلوماتلرگه قره‌گنده، ۲۰۲۲- ییلده قزاقستان و افغانستان اۉرته‌سیده‌گی تجارت کولمی ۹۸۷.۹ میلیون دالرگه یېتگن بو اۉتگن ییل شو پیتگه قره‌گنده۲.۱ فیصد کۉپه‌یگنینی کۉرسته‌دی.
افغانستان و قزاقستان خصوصی سکتوری اۉرته‌سیده‌گی اوشبو کېلیشوو بوندن آلدین افغان سرمایه یاتقیزووچیلری تجارتلرینی دوام بېریش مقصدیده لازم قولیلیکلر بۉلمه‌گنیدن شکایت قیلگن بیر پیت امضالنماقده. افغانستان کۉپراق اون و یاغنی قزاقستان‌دن کېلتیره‌دی.
