بدخشان ده ۱۲۰ باله و عیال تنفسی کسللیک نینگ بیر توری گه چلینگن
۸صبح، بدخشان: بدخشان دهگی محلی منبعلر، اوشبو ولایتده عیاللر و بالهلر اۉرتهسیده نامعلوم توردهگی تنفسی کسللیک ترقهلیشی حقیده خبر بیرهدیلر.
منبعلر ۸ ثور، شنبه کونی ۸صبح کوندهلیگی گه ایتیشلریچه، بو تور کسللیک اوچ کوندن بویان خواهان تومنیده کوپهیگن.
منبعلر، حاضرگچه اوشبو کسللیکّه چلینگن ۸۰ باله و ۴۰ عیال مذکور تومن نینگ ساغلیق مرکزی گه آلیب باریلگنینی معلوم قیلهدیلر.
عینحالده، خواهان تومنی ساغلیق مرکزی ده بیر منبع، حاضرگچه بو کسللیکّه چلینگن کمیده ۵۰ باله و عیال مذکور کسلخانه گه بستری بولگنینی تصدیقلهگن.
قتیق یوتهلیش و کوکرهک قفسیدهگی آغریق اوشبو کسللیکّه چلینیش بیلگیلریدن سنلهدی.
بدخشان خواهان تومنیده ساغلیق خذمتلردن فایدهلنه آلمسلیک بو کسللیک نینگ ترقهلیش جدی دلیلی عنوان قیلینگن.
بوندن آلدین بامیان و پکتیکا ولایتلریده کېکسه کیشیلر و بالهلر آرهسیده نامعلوم تېری کسللیک نینگ بیر توری ترقهلگن اېدی.