بیر طالبان جنگچیسی کابلده ایکّی کیشینی آتیب اۉلدیردی
۸صبح، کابل: کابلدهگی محلی منبعلر اوشبو ولایتنینگ سروبی تومنیده بیر طالبان جنگچیسی تامانیدن بیر عایلهنینگ ایکّی اعضاسی اۉلدیریلگنی حقیده خبر بېردی.
منبعلر سهشنبه کونی، ۳۱ سنبله کونی، ۸صبح گزېتهسیگه بېرگن صحبتیده بو واقعه مذکور عایلهنینگ فرزندلری و بیر طالبان جنگچیسی اۉزارا جنجللشیب قالگنیدن سۉنگ صادر بۉلگنینی اَیتیشدی.
منبعلر قۉشیمچه قیلیشیچه، جنجلدن سۉنگ طالبان جنگچیسی اۉز فرزندلرینی حمایه قیلیش مقصدیده اوشبو ایکّی فقراگه قرهته اۉق اوزگن.
منبعلرنینگ اَیتیشیچه، قاتللیکنی صادر اېتگن شخص سروبی تومنیدهگی طالبان تومن حاکمینینگ یقینلریدن بیری بۉلیب، حاضرگچه تعقیب قیلینمهگن.
بو حالت ایکّی کون اوّل هم کابل ولایتینینگ دهسبز تومنیده بیر طالبان جنگچیسی یېرگه اېگهلیک مسألهسیدهگی ماجرا آرتیدن ایکّی اکه-اوکهنی اۉلدیرگنی حقیدهگی خبرلردن کېین یوز بېرماقده.
