بیرلشگن ملتلر تشکیلاتی افغانستانده خوفسیز و صفتلی ساغلیق خدمتلرنی تأمینلشگه اورغو بېردی
۸صبح، کابل: جهان ساغلیقنی سقلش تشکیلاتی (WHO) یوقوملی بۉلمهگن کسللیکلر بیلن یشهیاتگن بېمارلر اوچون خوفسیز و صفتلی ساغلیق یاردم ضرورلیگینی اَیتماقده.
اوشبو تشکیلات پنجشنبه کونی، ۲۶-سنبله، ایکس صحیفهسیده یازیشیچه، بېمارلرنی آلدینی آلیش ممکن بۉلگن ضررلردن حمایه قیلیش و خوفسیز ساغلیق خدمتلر کۉرسهتیلیشیگه ایشانچ حاصل قیلیش افغانستانده عمومی بورچ دیر.
جهان ساغلیقنی سقلش تشکیلاتی بېمارلر خوفسیزلیگی صفتلی ساغلیق یاردمنینگ اساسی قِسمی اېکنینی تاکیدلب، بېمارلرگه خوفسیز و ثمرهلی ساغلیق خدمتلر کۉرسهتیش اوچون حرکت قیلیش کېرهکلیگینی بیلدیرگن.
جهان ساغلیقنی سقلش تشکیلاتینینگ افغانستاندهگی وکیلی ادوین سینیزا سلوادور، همکارلیکده هر بیر بېمار دوالنیش و طبی یاردمنینگ برچه باسقیچلریده خوفسیز و ثمرهلی خدمتلردن فایدهلنیشیگه ایشانچ حاصل قیلیش کېرهکلیگینی اَیتگن.
بو بیاناتلر خلقارا بېمارلر خوفسیزلیگی کونی مناسبتی بیلن بیلدیریلگن.
