بیرلشگن ملتلر تشکیلاتینینگ انسان یشش جایلری دستوری کابل شهریدهگی بیر قطار یۉللر قَیته ترمیملنگنینی معلوم قیلدی
۸صبح، کابل: بیرلشگن ملتلر تشکیلاتینینگ انسان یشش جایلری دستوری (UN-Habitat) کابل شهریدهگی بیر قطار یۉللرنی اهالینینگ ضرور خدمتلردن فایدهلنیشینی آسانلشتیریش مقصدیده یخشیلش و قَیته ترمیملش ایشلرینی باشلهگنینی معلوم قیلدی.
اوشبو تشکیلات پنجشنبه کونی، ۲ میزان، ایکس صحیفهسیده یازیشیچه، جاپان خلقارا همکارلیک آژانسی (جایکا)، یاردمیده کابل شهرینینگ اۉن-یېتّینچی ناحیهسیدهگی یۉللرنینگ حالتی یخشیلنماقده.
بیرلشگن ملتلر تشکیلاتینینگ انسان یشش جایلری دستوری اوشبو یۉللرنینگ یخشیلنیشی اهالی اوچون ضرور خدمتلردن فایدهلنیشنی آسانلشتیریشی و بو حدودلرده یشاوچیلر اوچون کۉپراق امکانیتلر یرهتیشی ممکنلیگینی اَیتگن.
اوشبو تشکیلات یۉللرنی قَیته ترمیملش لایحهسی شهرلردهگی کم تأمینلنگن حدودلرده یشهش شرایطلرینی یخشیلشگه قرهتیلگن سعی-حرکتلرنینگ بیر قِسمی اېکنینی قۉشیمچه قیلگن.
بیرلشگن ملتلر تشکیلاتینینگ انسان یشش جایلری دستوری معلوم قیلیشیچه، بو یۉل کم تأمینلنگن حدودلرنینگ شرایطینی یخشیلش مقصدیده جایکانینگ مالیوی یاردمی و همکارلیگیده قَیته ترمیملنهیاتگن ۲۱ ته یۉلدن بیریدیر.
