یونیسف: افغانستان تعلیم تیزیمی جدی تۉسیقلرگه دوچ کېلماقده
۸صبح، کابل: بیرلشگن ملتلر تشکیلاتی نینگ بالهلرنی قوللب- قوتلش جمغرمهسی (یونیسف) افغانستان تعلیم تیزیمی جدی تۉسیق و معمالر بیلن یوزمه-یوز کېلهیاتگنینی معلوم قیلدی. شونگه قرهمهی، اوشبو تیزیمنی قیته تیکلش امکانیتی موجودلیگی هم تأکیدلنگن.
یونیسف، ۸- دلو، چهارشنبه کونی، صحیفهسیده قیزلر تعلیمی نینگ اهمیتی و اونینگ افغانستان کېلهجگیگه ایجابی تأثیرینی اورغولب، قیزلر تعلیمیگه قۉییلگن چېکلاولرنی بېکار قیلیشگه چقیردی.
تشکیلات بیاناتیده ایتیلیشیچه: «قیزلر اوچون اۉرته تعلیمگه قۉییلگن تعقیق نینگ بېکار قیلینیشی اولرگه ملکه آرتتیریش، ساغلیقنی سقلش کبی مهم ساحهلرگه کیریش امکانینی بېرهدی همده عایلهلر، جمعیتلر و مملکت کېلهجگینی مستحکملهیدی».
آلدینراق هم، یونیسف افغانستان تعلیم تیزیمی تنزلنینگ اېنگ کېسکین نقطهسیگه یېتگنینی بیلدیرگن اېدی. تشکیلات معلوماتیگه کۉره، مملکتده ۱۰ یاشلی بالهلر نینگ ۹۰ فایزیدن آرتیغی عادی متننی اۉقیب توشونه آلمهیدی.
بو حالت سۉنگگی ییللرده طالبان نینگ ینه حاکمیتنی قۉلگه آلیشی آرتیدن افغانستان تعلیم تیزیمی جدی ضرر کۉرگن بیر پیتده قید اېتیلماقده. قیزلر نینگ مکتبلرگه باریشی تعقیقلنگن، کۉپلب عیال اۉقیتووچیلر اېسه مجبوری اویده قالیشگه مجبور بۉلگن.
