جهان ساغلیقنی سقلش تشکیلاتی: آزیق-آوقت خوفسیزلیگیگه رعایه قیلیش آرقهلی بوتولیسم کسللیگینینگ آلدینی آلیش ممکن
۸صبح، کابل: جهان ساغلیقنی سقلش تشکیلاتی (WHO) آزیق-آوقت خوفسیزلیگیگه رعایه قیلیش بۉییچه توصیهلر بېریب، عادی چارهلر بوتولیزم کسللیگیگه چلینیش و اوشبو کسللیک عاقبتلرینینگ آلدینی آلیشی ممکنلیگینی اَیتدی.
اوشبو تشکیلات پنجشنبه کونی، ۲ میزان، ایکس صحیفهسیده آزیق-آوقت خوفسیزلیگی قاعدهلریگه رعایه قیلیش انسانلر حیاتینی حمایه قیلیشینی یازدی.
بیرلشگن ملتلر تشکیلاتی قۉشیمچه قیلیشیچه، آزیق-آوقت خوفسیزلیگینی تأمینلش اوچون قۉللر و آشخانه انجاملری یخشیلب یوویلیشی، سوت تۉلیق قَینهتیلیشی، گوشت اېسه یخشیلب پیشیریلیشی کېرهک.
تشکیلات، شونینگدېک، فایدهلنیشدن آلدین شیشه ایدیشلر و کنسرو قوطیلرینی تېکشیریشنی، آزیق-آوقت محصولاتلرینی تازه و سلقین جایده سقلشنی توصیه قیلگن.
جهان ساغلیقنی سقلش تشکیلاتی اوّلراق هم بوزیلگن یاکه ناتۉغری سقلنگن آزیق-آوقت محصولاتلرینی استعمال قیلیش عاقبتیده بوتولیسمگه چهلینیش خوفی حقیده آگاهلنتیرگن اېدی.
جهان ساغلیقنی سقلش تشکیلاتی «قارین آغریغی، قوسیش، حالسیزلیک، کۉریشنینگ خیرهلشیشی، گپیریشده قیینچیلیک و نفس آلیشنینگ قیینلشیشی» اوشبو کسللیکنینگ علامتلری قطاریگه کیریشینی اَیتگن.
