ترمپ: امریکا قوراللی کوچلری ایران تامان یقینلشماقده
امریکا قۉشمه ایالتلری جمهور رییسی، دونالد ترمپ، امریکا قوراللی کوچلری نینگ ایران تامان یقینلشهیاتگنینی معلوم قیلدی.
ترمپ، ۲۷- جنوری، سهشنبه کونی، آیووا ایالتیده طرفدارلریگه قیلگن نطقیده، ایران بیلن کېلیشووگه اېریشیش امیدیده اېکنینی ایتدی.
او شوندهی ایتیشیچه: «درحقیقت، ینه بیر گۉزل و کته اوروش کېمهسی حاضر ایران تامان حرکت قیلماقده. شوندهی اېکن، نیمه بۉلیشینی کۉریشیمیز کېرهک. امید قیلهمنکی، اولر کېلیشووگه اېریشهدیلر.»
او طرفدارلریگه ایتیشیچه، اۉتگن ییلی ایران نینگ هستوی صلاحیتینی یۉق قیلگن.
اۉتگن کونی اېسه آق اوی رسمیسی، رویترزگه معلوم قیلیشیچه، اگر ایران باغلنسه، واشنگتن ملاقاتگه تیار دیر.
شو بیلن بیرگه، ایران هر قندهی حربی حرکتگه تهران جواب قیترهدی دیب، آگاهلنتیرگن.
