امریکا تشقی ایشلر وزیرلیگی اۉرین باسری افغانستان مسالهسینی محاکمه قیلیش اوچون قطر وپاکستان گه سفر قیلهدی
۸صبح، کابل: امریکا تشقی ایشلر وزیرلیگی، اوشبو وزیرلیک اۉرین باسری جان بس قطر و پاکستان رسمیلری افغانستان مسالهسینی محاکمه قیلیش اوچون دوحه و اسلامآباد گه سفر قیلیشینی معلوم قیلگن.
بو وزیرلیک ۸ ثور، جمعه کیچه بیر بیانیه ترقهتیب ایتیشیچه، جان بس اوشبو آی نینگ ۷ دن ۱۱ کونلریگه قدر دوحه و اسلامآباد گه تشریف بویوریشی ممکن.
امریکا تشقی ایشلر وزیرلیگی نینگ بیانیهسیده کېلیشیچه، جان بس افغانستان نی قۉللب-قوتلش و منطقه ده خوفسیزلیک قۉشمه منفعتلرنی محاکمه قیلیش اوچون دوحه ده قطر دولتی نینگ ییریک رسمیلری و دیپلماتیک هیأتلری بیلن اوچرهشووی ممکن.
امریکا تشقی ایشلر وزیرلیگی اۉرین باسری اسلامآباد ده، امریکا و پاکستان همکارلیگی دایرهسیده اوشبو دولت نینگ یوقاری مرتبهلی حکومت عملدارلری بیلن «کېنگ کولملی منطقهوی و ایکّی تامانلمه مسألهلرنی» محاکمه قیلهدی.
بوندن آلدین امریکا نینگ افغانستان ایشلری بوییچه مخصوص وکیلی توماس وست، افغانستان مسالهسینی محاکمه قیلیش اوچون منطقهوی سفری دایرهسیده هندوستان و بیرلشگن عرب امیرلیگی رسمیلری بیلن اوچرهشگن اېدی.