لوگرده طالبان بیر قوماندانی اۉلدیریلدی
۸صبح،لوگر: لوگرده‌گی محلی منبعلر اوشبو ولایتده طالبان قوماندانلریدن بیری اۉلدیریلگنی حقیده خبر بېردی.
منبعلر سه‌شنبه کونی، ۱۹- عقرب، ۸صبح گزېته‌سیگه بېرگن معلوماتیده اَیتیشیچه، اۉتگن کېچه طالبان‌نینگ خوفسیزلیک پُستلریدن بیریگه مسؤول بۉلگن مولوی مهراب ولایت مرکزیده‌گی «تنگی واغوجان حدودی»ده سِرلی روشده اۉلدیریلگن.
منبعلر قۉشیمچه قیلیشیچه، طالبان جنگریسی‌نینگ جسدی اونینگ خوفسیزلیک پُستی یقینیدن تاپیلگن. اونینگ تنه‌سیده کلتکلنگنلیک ایزلری کۉزگه تشلنگن.
منبعلرگه کۉره، طالبان‌نینگ اوشبو محلی قوماندانی لوگر ولایتی مرکزی پل‌علم شهریگه قره‌شلی پشتون آباد قیشلاغیده توغیلگن.
بو آره‌ده، اوچ کون آلدین هم طالبان ایچکی ایشلر وزیری سراج‌الدین حقانی‌نینگ شخصی قۉریقچیلریدن بیری بغلان ولایتیده اۉلدیریلگن اېدی.
