ایران‌نینگ تهران شهریده ایکی سابق افغانستانلیک حربیلری دفن مراسمی کېنگ مقیاسده افغانستانلیک مهاجرلری اشتراکیده اۉتکزیلدی
۸صبح، کابل: افغانستان سابق حکومتی‌ده تخار ولایتی امنیه قوماندانی بۉلگن جنرال اکرام‌الدین سریع نینگ جنازه مراسمی تهران‌ده افغانستانلیک مهاجر‌لرنینگ کېنگ اشتراکیده اۉتکزیلدی.
منبع‌لر، ۶ – جدی، شنبه کونی، ۸صبح گزېته‌سیگه اوشبو مراسم تهران نینگ “چهاردنگه” حدودیده بۉلیب اۉتگنینی و اونده ایران‌ده استقامت قیله‌یاتگن یوزلب افغانستالیک مهاجرلر قتنه‌شگنینی معلوم قیلدی.
منبع‌لرگه کۉره، تهران‌ده سوءِقصد عاقبتی‌ده هلاک بۉلگن افغانستان نینگ ینه بیر سابق حربی‌سی، محمد امین الماس نینگ جسدی هم بیر وقت‌ده جنرال سریع بیلن یانمه‌یان دفن اېتیلگن.
افغانستان نینگ اوشبو ایکی سابق حربی‌سی اۉتگن هفته چهارشنبه کونی، تهران‌ده قوراللی هجوم نتیجه‌سیده اۉلدیریب، بو واقعه افغانستان جماعتچیلیگی، سیاسی ارباب‌لر و انسان حقلری فعال‌لری تامانیدن کېنگ مناسبتلرگه سبب بۉلگن.
شو بیلن بیرگه، افغانستان فقرالری مذکور حادثه یوزه‌سیدن مستقل و شفاف تېرگاو اۉتکزیلیشینی طلب قیلیب، ایران حکومتیدن هجوم اجراچیلرینی انیقلشنی سۉره‌گن.
آلدین، اسماعیل خان‌گه یقین بۉلگن و طالبان‌گه قرشی موضع‌ده تنیلگن معروف غلامی هم مشهدده‌گی اۉز اداره‌سیده اۉلدیریلگن اېدی.
حاضرگه قدر ایران حکومتی اوشبو حادثه‌لر یوزه‌سیدن رسمی بیانات بېرمه‌گن و هېچ بیر گروه هجوم‌لر اوچون جوابگرلیکنی اۉز ذمه‌سیگه آلمه‌گن.
شونینگدېک، افغانستان نینگ سابق حربیلری جسدلری نینگ آلیب باریلیشی عکس اېتگن ویدېویازوولر اجتماعی ترماقلرده کېنگ ترقه‌لگن.
