طالبان: کېچه ۵۰۰ نفردن آرتیق کیشی افغانستانگه قَیتدی
۸صبح، کابل: طالبان اۉتگن کون تورلی چېگره‌سی آرقه‌لی ۱۲۰ ته عایله‌دن عبارت جمعی ۵۸۸ کیشی افغانستانگه قَیتگنینی معلوم قیلدی.
طالبان سۉزلاوچیسی، حمدالله فطرت پنج‌شنبه کونی، ۲۹-اکتوبر، اعلان قیلگن بیاناتیده، ۴۵ ته عایله‌دن عبارت ۲۳۴ کیشی تورخم چېگره‌سی آرقه‌لی افغانستانگه کیرگنینی اَیتگن.
بیاناتگه کۉره، ۱۹ ته عایله سپین بولدک، ۳۷ ته عایله نیمروز چېگره‌سی و ینه ۱۹ ته عایله اسلام‌قلعه چېگره‌سی آرقه‌لی مملکتگه قَیتگن.
افغانستانلیک مهاجرلر‌نینگ قۉشنی مملکتلردن قَیتیشی و مجبوری دېپورت قیلینیشی دوام اېته‌یاتگن بیر پیتده، قیش فصلی یقینلشیشی بیلن قَیتگن عایله‌لر‌نینگ تورموش شرایطی و باش‌پناه بیلن تأمینلنیشی باره‌سیده‌گی خواطرلر کوچه‌یماقده.
اوشبو عایله‌لر‌نینگ کۉپچیلیگی اېنگ ضرور احتیاجلرینی قاندیریش، مناسب باش‌پناه تاپیش و قیش‌نینگ ساووق کونلریدن حمایه‌لنیش باره‌سیده قیینچیلیکلرگه دوچ کېلماقده.
هوا‌نینگ ساویشی بیلن، اینیقسه، باش‌پناه‌سیز و ضعیف احوالده‌گی عایله‌لرگه انسانپرورلیک یاردم کۉرسه‌تیش احتیاجی ینه‌ده آرته‌دی.
