پوتین: افغانستان خوفسیزلیک وضعیتینی یقیندن کوزه‌تیب بارماقده‌میز
۸صبح، کابل: روسیه جمهور باشلیغی ولادیمیر پوتین جمعی خوفسیزلیک کېلیشووی تشکیلاتیگه (CSTO) اعضا دولتلر افغانستانده‌گی خوفسیزلیک وضعیتینی یقیندن کوزه‌تیب باره‌یاتگنینی اَیتدی.
پوتین بو بیاناتنی، چهارشنبه کونی، ۲۰ عقرب، مسکوده تشکیلات‌نینگ جمعی خوفسیزلیک کېنگشی ییغیلیشیده بیلدیرگن.
اونینگ قۉشیمچه قیلیشیچه، بو چاره تشکیلاتگه اعضا دولتلر چېگره‌لری خوفسیزلیگینی مستحکملشگه قره‌تیلگن سعی-حرکتلر دایره‌سیده عملگه آشیریلماقده.
پوتین‌نینگ اَیتیشیچه، افغانستانده‌گی واقعه‌لر تشکیلاتگه اعضا دولتلر جدّی اعتبار بیلن کوزه‌تیب باره‌یاتگن مسأله‌لردن بیری دیر.
جمعی خوفسیزلیک شرطنامه‌سی تشکیلاتی روسیه، تاجیکستان، قزاقستان، قیرقیزستان، بلاروس و ارمنستان‌دن عبارت.
اوشبو تشکیلات بوندن آلدین هم افغانستان حدودیدن کېلیب چیقیشی ممکن بۉلگن خوفسیزلیک تهدیدلری یوزه‌سیدن خواطر بیلدیرگن و تاجیکستان-افغانستان چېگره‌سینی مستحکملشنی اۉز خوفسیزلیک استوارلیکلریدن بیری دېب حسابله‌گن.
