استرالیا و بیرلشکن ملتلر تشکیلاتی: افغانستانده عیاللر احوالی آغیر دیر و یاردملر دوام اېتسین
۸صبح، کابل: استرالیا رسمی‌لری و بیرلشکن ملتلر تشکیلاتی‌نینگ عیاللر بۉلیمی، طالبان حاکمیتیده‌گی افغانستانده عیاللر احوالی‌دن آگاه‌لنتیریب، انسان‌پرورلیک یاردملرنی دوامی بو احوال بوندن هم یامانلشیشی آلدی آلینیشی اوچون اوته مهم دېب، اعلام قیلگن.
بیرلشکن ملتلر تشکیلاتی عیاللر بۉلیمی‌نینگ آسیا و اقیانوسیه حدودلری بۉییچه باشقیرووچیسی کریسین اراب، چهارشنبه کونی ۱۵ – دلو، استرالیالیک میدیالر بیلن بۉلگن صحبتیده ایتیشیچه، طالبان دواملی فرمانلری بیلن خاتین-قیزلرنی عمومی ساحه‌لردن یۉق قیلگن.
اونگه کۉره، بو چیکلاولر اۉقیش‌‌دن چیت‌لنتیریش همده جماعه‌دن اوزاق قیلیش‌دن عبارت بۉلیب، اولرنی عالی اۉقوو و اساسی خذمتلردن محرومیت‌ده سقله‌گن.
عینی حالده، استرالیا تشقی ایشلر وزیری پنی وانگ، میلادی جنوری آیی‌ده، بو مملکت افغانستان اوچون ۵۰ میلیون دالر انسان‌پرورلیک یاردم اجره‌تکنینی اعلام قیلدی.
بو ینگی یاردملر بیلن، میلادی ۲۰۲۱- ییل کابل قوله‌شیدن کېین، استرالیانینگ افغانستانگه کۉرسهتیلگن یاردملری ۳۱۰ میلیون دالرگه ییتیشگن.
بیرلشکن ملتلر تشکیلاتی رقمی اساسیده، افغانستانده ۲۲ میلیون‌گه یقین شخص، انسان‌پرورلیک یاردملرگه محتاج دیر.
استرالیا یاردملری کۉپینچه، خاتین- قیزلرنی قوللب-قوتلش، ساغلیق، آزیق- آوقت خوفسیزلیگی و انسان حقلری سقلنیشیگه قره‌تیلگن دیر.
کریستین اراب هر قنده‌ی انسان‌پرورلیک یاردم آچیقچه، خاتین-قیزلرنی قوللب-قوتلش اوچون قره‌تیلیشیگه تاکیدلب آرتیقلشیچه، نیچه تامانلمه تیزیم و انسان حقلری اوچون خلق‌ارا هم‌جمعیتی‌نینگ تعهدی هر بیر زمان‌دن کۉره، حاضر مهم‌راق دیر.
بو سۉزلر شوندی بیرحالده تیلگه آلینماقده دیر که بوندن ایلگری خلق‌ارا تشکیلاتلر نیچه‌لر مراتبه، افغانستانده انسان حقلری احوالی آغیرلشیشی و طالبان‌نینگ چیکلاولری نینگ خاتین-قیزلر اوستیده‌گی عاقبت‌لریدن آگاه‌لنتیرگن.
