یونیسف: افغانستانده اوچ میلیوندن آرتیق باله اۉتکیر تۉییب-آوقت‌لنمسلیکدن اذیت چېکماقده
۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) افغانستانده ۳،۷ میلیون باله اۉتکیر تۉییب-آوقت‌لنمسلیکدن اذیت چېکه‌یاتگنینی معلوم قیلدی.
اوشبو جمغرمه، چهارشنبه کونی، ۲۰ عقرب، ینه بیر میلیون ۶۵۰ مینگ باله آغیر احوالده اېکنینی بیلدیرگن.
یونیسف اقلیم اۉزگریشی و قورغاقچیلیک افغانستانده آزیق-طعام خوفسیزلیگی بیلن باغلیق معمالرنی ینه‌ده کوچه‌یتیرگنینی قۉشیمچه قیلگن.
اوشبو تشکیلات‌نینگ اَیتیشیچه، افغانستان دنیا مقیاسیده ایسّیقخانه گازلری چیقیندیلریگه جوده کم حصه قۉشیشیگه قره‌مه‌ی، اقلیم اۉزگریشی عاقبتلریدن جدّی ضرر کۉرماقده.
تشکیلات زودلیک بیلن و برقرار مالیه‌لشتیریش تأمینلنمسه، افغانستانده اۉتکیر تۉییب-آوقت‌لنمسلیک حالتی ینه‌ده آغیرلشیشی حقیده آگاهلنتیرگن.
یونیسف دنیا یېتکچیلرینی اقلیم اۉزگریشی‌نینگ ضعیف جماعه‌لرگه تأثیریدن حمایه قیلیش اوچون کاپ۳۱ اقلیم ییغینیده چاره‌لر کۉریشگه چقیرگن.
