افغانستانلیک عیاللر حقوقلری فعاللری ۲۰۲۶-ییلگی چتم هاوس مکافاتینی قۉلگه کیریتدی
«چتمهاوس» مکافاتی بریتانیا قیراللیک خلقارا مناسبتلر انستیتوتی تامانیدن افغانستانلیک بیر گروه خاتین-قیزلر حقوقلری فعاللریگه تاپشیریلدی.
مکافاتنی تاپشیریش مراسمی دوشنبه کونی، ۹-نوامبر آقشامیده لندنده بۉلیب اۉتدی.
اوشبو مکافات افغانستان عیاللرینینگ تیزیملی جنسی تعقیبلریگه قرشی کۉرسهتگن جسارتی و متانتی، شونینگدېک، عیاللر و قیزلرنینگ حقوقلری همده کېلهجگینی حمایه قیلیش یۉلیدهگی سعی-حرکتلری اعترافی صفتیده بېریلدی.
مذکور مکافات هر ییلی خلقارا مناسبتلرنی یخشیلشده ثمرهلی رۉل اۉینهگن شخصلر یاکه تشکیلاتلرگه تاپشیریلهدی.
افغانستان عیاللر ملی فوتبال جماعهسینینگ سابق دروازهبانی الهه صفدری، اوشبو مکافاتنی افغانستان عیاللری نامیدن قبول قیلیب آلدی.
مکافاتنی بریتانیانینگ سابق باش وزیری و چتم هاوس رهبری ترزا می اونگه تاپشیردی.





