بمت افغانستانلیک قَیتووچیلرگه یاردم بېریش اوچون ایش اۉرینلری یرهتماقده
۸صبح، کابل: بیرلشگن ملتلر تشکیلاتینینگ قاچقینلر بۉییچه عالی کمیسارلیگی (UNHCR) پاکستاندن مملکتگه قَیتریلهیاتگن بیر قطار افغانستانلیکلر قَیتگنیدن سۉنگ اقتصادی معمالر و اۉز عایلهلرینینگ احتیاجلرینی تامینلشده قیینچیلیکلرگه دوچ کېلهیاتگنینی معلوم قیلدی.
اوشبو تشکیلات سهشنبه کونی، ۲۶-عقرب، اۉزینینگ ایکس صحیفهسیده قَیتووچیلرنی قۉللب-قوّتلش مقصدیده اولر کیچیک بیزنسلرنی یۉلگه قۉییشلری اوچون نقد پول یاردملری تقدیم اېتهیاتگنینی یازگن.
حساباتگه کۉره، قَیتووچیلردن بیری اوشبو تشکیلاتنینگ نقد پول یاردمیدن فایدهلنگن حالده کیچیک سوت محصولاتلری دوکانینی آچگن.
بیرلشگن ملتلر تشکیلاتینینگ قاچقینلر بۉییچه عالی کمیسارلیگی بوندهی یاردملر قَیتووچیلرگه ایش اۉرینلرینی یرهتیش و اقتصادی مستقللیککه اېریشیشده یاردم بېریشی ممکنلیگینی تاکیدلهگن.





