بیرلشگن ملتلر تشکیلاتی: ۲۰۲۵-ییلده ۹۴۰ مینگ مهاجر افغانستان گه قیتگن
۸صبح، کابل: بیرلشگن ملتلر تشکیلاتی‌نینگ انسان سیورلیک یاردملرینی هماهنگ قیلووچی اداره گه کوره، اوشبو میلادی ییل جون آیی یکونیگه قدر، قریب ۹۴۹ مینگ افغان مهاجر مملکت گه قیتگن.
اوشبو تشکیلات ۱۷-سرطان، سه‌شنبه کونی ترقه‌تگن گزارشیده، اسراییل هجوملریدن کېین ایران‌دن قیتگنلرنینگ سانی کوپه‌یگنینی معلوم قیلگن.
مذکور مهاجرلر آره‌سیده، اوشبو ییل باشلنگنیدن بیری، ۲۰۸ مینگ کیشی پاکستان‌دن افغانستان گه قیتگنلر دیر.
بو گزارش اساسیده، مملکت گه ینگی قیتگنلرنینگ اکثریتینی عایله‌لر گه تشکیل بیره‌دی.
قیتگنلرنینگ ۶۰ فایزیدن کوپراغینی عایله‌لر تشکیل بیره‌دی، عین‌حالده بوندن آلدین اولرنینگ اکثریتی بویداق ایرکک اېدیلر.
شونینگدیک بیرلشگن ملتلر تشکیلاتی گه کوره، ۳۲ مینگدن آرتیق کیشیگه اضطراری نقدی یاردم و حفاظتی حمایه‌لر ترقه‌تیلگن.
شو بیلن بیرگه، ۲۳ مینگدن آرتیق کیشیگه باش پناه و دستلبکی یاردملر توزیع قیلینگن.
مملکت گه قیتگنلرنینگ اکثریتی ایرککلر دیر، بیراق اولرنینگ کته قسمی ۱۸ یاشنی تولدیرمه‌گن باله‌لر بولیب و ایران‌ده دنیا گه کېلیب و وایه گه یېتگن.
عین‌حالده، هر کونی مینگلب افغان مهاجر ایران‌دن افغانستان گه قیتریلماقده و چېگره‌لرده تشویشلی احوالده قوییب یوباریله‌دیلر.