بیرلشگن ملتلر تشکیلاتی عیاللر بۉلیمی: دنیاده‌ هر اوچ عیال و قیزدن بیری زۉرآورلیککه‌ دوچ کېله‌دی

بیرلشگن ملتلر تشکیلاتی‌نینگ عیاللر بۉلیمی، دنیاده‌ هر اوچ عیال و قیزدن بیری، یعنی تخمینا ۸۴۰ میلیون کیشی جنسگه‌ اساسلنگن زۉرآورلیککه‌ دوچ کېلیشینی معلوم قیلدی.

اوشبو تشکیلات سه‌شنبه کونی‌، ۱۷-نوامبر ترقه‌تگن حساباتیده،‌ جسمانی یاکه جنسی زۉرآورلیکدن امان قالگنلر‌نینگ اکثریتی هېچ قچان یاردم آلیش اوچون حرکت قیلمسلیگینی و اولر‌نینگ فقط آز قِسمی‌گینه پولیس‌گه‌ مراجعت قیلیشینی قید اېتگن.

حساباتگه‌ کۉره‌، کۉپلب مملکتلرده‌ عیاللر تامانیدن یاردم سۉره‌ب مراجعت قیلیش درجه‌سی پسه‌ییب بارماقده‌ و زۉرآورلیکنی آشکار قیلیش عاقبتلریدن قۉرقیش اولر‌نینگ سکوت سقلشی‌نینگ اساسی عامللریدن بیری حسابلنه‌دی.

بمت عیاللر بۉلیمی‌نینگ تاکیدلشیچه‌، زۉرآورلیک حقیده‌ خبر بېرگن عیاللر اوی-جایی، فرزندلری و درآمدیدن اَیریلیشی یاکه عایله‌سی و جمعیت تامانیدن چېتله‌تیلیشی ممکن.

تشکیلات‌نینگ قۉشیمچه‌ قیلیشیچه‌، اَیریم عیاللر زۉرآورلیکنی فاش اېتگنیدن سۉنگ زۉرآورلیک صادر اېتگن شخصلر تامانیدن تهدیدلرگه‌ دوچ کېلیشه‌دی و حتا اولر‌نینگ بیر قِسمی یاردم سۉره‌گنی سببلی زۉرآورلیک صادر اېتگن شخصلر تامانیدن اۉلدیریله‌دی.

دکمه بازگشت به بالا