ایسلندنینگ افغانستان امانی جمغرمهسیگه ینگی مالیوی یاردمی
۸صبح، کابل: بیرلشگن ملتلر تشکیلاتینینگ افغانستان بۉییچه مخصوص امانی جمغرمهسی (UN STFA) ایسلندنینگ اوشبو جمغرمهگه ینگی مالیوی یاردم اجرهتگنینی معلوم قیلدی.
اوشبو تشکیلات سهشنبه کونی، ۲۴-سنبله، اۉزینینگ ایکس صحیفهسیده ایسلندگه منّتدارلیک بیلدیریب، بو یاردم افغانستان جماعهلرینینگ اساسی خدمتلردن فایدهلنیش امکانیتلرینی کېنگهیتیریش، تیریکچیلیک منبعلرینی مستحکملش و اولرنینگ معمالرگه قرشی کورهشیش صلاحیتینی آشیریش اوچون صرفلنیشینی اَیتدی.
بیراق اوشبو تشکیلات ایسلند تامانیدن اجرهتیلگن یاردم مقداری و اونینگ قندهی صرفلنیشی حقیده تفصیلاتلر بېرمهگن.
بیرلشگن ملتلر تشکیلاتینینگ افغانستان بۉییچه مخصوص امانی جمغرمهسی اساسی خدمتلرنی قۉللب-قوّتلش، تیریکچیلیک منبعلرینی مستحکملش و ضعیف جماعهلرنینگ چیدملیلیگینی آشیریش یۉنهلیشلریده فعالیت یوریتهدی همده افغانستاندهگی انسانپرورلیک و رواجلنیش دستورلرینی قۉللب-قوّتلهیدی.
