لیندسی: افغانستان کېله‌جگی‌نینگ برقرارلیگی عیاللر‌نینگ جمعیتده‌گی اشتراکیگه‌ باغلیق

۸صبح، کابل: بریتانیا‌نینگ افغانستان بۉییچه‌ مخصوص وکیلی ریچارد لیندسی‌نینگ اَیتیشیچه‌، افغانستان کېله‌جگی‌نینگ برقرارلیگی و فراوانلیگی عیاللر‌نینگ جمعیتده‌گی تۉلیق اشتراکیگه‌ باغلیق.

او بو فکرلرنی سه‌شنبه کونی‌، ۱۹-عقرب، افغانستان عیاللریگه‌ ۲۰۲۶-ییلگی چتم‌هاوس مکافاتی تاپشیریلیشی مناسبتی بیلن بیلدیرگن.

لیندسی اوشبو مکافات بیلن افغانستان عیاللرینی تبریکلب، اولر‌نینگ جمعیتده‌گی تۉلیق اشتراکینی مملکت کېله‌جگیده‌ برقرارلیک و فراوانلیکنی تأمینلش اوچون ضرور دېب حسابلشینی تأکیدله‌گن.

افغانستانلیک بیر گروه خاتین-قیزلر حقوقلری فعاللری دوشنبه‌گه‌ اۉتر کېچه‌سی جنسیت اساسیده‌گی تضییقلرگه‌ قرشی کوره‌شده‌ قطعیت کۉرسه‌تگنلیکلری اوچون ۲۰۲۶-ییلگی چتم‌هاوس مکافاتینی قۉلگه‌ کیریتدی.

اوشبو مکافات هر ییلی چتم‌هاوس اعضالری فکریچه‌، خلق‌ارا مناسبتلرنی یخشیلشده‌ ثمره‌لی رۉل اۉینه‌گن شخصلر یاکه تشکیلاتلرگه‌ تاپشیریله‌دی.

مکافاتنی بریتانیا‌نینگ سابق باش وزیری و حاضرگی «چتم هاوس» رهبری ترزا می تاپشیردی.

دکمه بازگشت به بالا