اوچا: افغانستان اهالیسی‌نینگ قریب اوچدن بیر قِسمی آغیر آچرچیلیککه دوچ کېلماقده
۸صبح، کابل: بیرلشگن ملتلر تشکیلاتی‌نینگ انسانپرورلیک یاردملرنی موافقلشتیریش باشقرمه‌سی (اوچا) قیش یقینلشه‌یاتگن بیر پیتده افغانستانده قشّاقلیک و آچرچیلیک کوچه‌یه‌یاتگنی حقیده خبر بېردی.
اوچا دوشنبه کونی، ۱۸ عقرب، اعلان قیلگن معلوماتیده، افغانستان اهالیسی‌نینگ قریب اوچدن بیر قِسمی آغیر آچرچیلیککه دوچ کېله‌یاتگنینی بیلدیردی.
اوشبو تشکیلات‌نینگ اَیتیشیچه، یاغینگرچیلیک‌نینگ یخشیلنگنی و اېکینچیلیک محصولاتلری ایشلب چیقریش حجمی آشگنیگه قره‌مه‌ی، میلیونلب عایله‌لر هنوز ضرور آزیق-طعام محصولاتلرینی ساتیب آلیشگه قُربی یېتمه‌یپتی.
آچه کوتیشیگه کۉره، ۲۰۲۷-ییلده آلتی آیلیکدن بېش یاشگچه بۉلگن تۉرت میلیوندن آرتیق باله تۉییب-آوقت‌لنمسلیک حالتینی دوالشگه محتاج بۉله‌دی.
اوشبو تشکیلات قیش کېلیشیدن آلدین اهالی‌نینگ احتیاجلرینی قاندیریش اوچون زودلیک بیلن چاره‌لر کۉریشگه چقیردی.
اوچا‌‌نینگ تأکیدلشیچه، تیریکچیلیک منبعلری، خدمتلر و اقتصادی امکانیتلر ساحه‌سیگه اوزاق مدتلی سرمایه کیریتیش عایله‌لر‌نینگ کېله‌جکده‌گی انقراضلرگه قرشی توریش صلاحیتینی آشیریشی ممکن.
