پولیودن بوش افغانستان: واکسین باله‌لر‌نینگ معلول بۉلیب قالیشی‌نینگ آلدینی آلیش یۉلی دیر
۸صبح، کابل: «پولیودن بوش افغانستان» تشکیلاتی هېچ بیر باله پولیو کسللیگی سبب معلول بۉلیب قالمسلیگی کېره‌کلیگینی و بو کسللیک ترقه‌لیشی‌نینگ آلدینی آلیش اوچون باله‌لرنی اېملش ضرورلیگینی اَیتدی.
اوشبو تشکیلات چهارشنبه کونی، ۸ مېزان، ایکس صحیفه‌سیده پولیوویروس هر قنده‌ی یاشده‌گی آدملر تامانیدن یوقیشی ممکنلیگینی و آدملر بو ویروس‌نینگ ترقه‌لیشیگه سببچی بۉلمه‌سلیگی کېره‌کلیگینی یازدی.
تشکیلات آدملردن سفر وقتیده، هر قنده‌ی یاشده اېملنیشلرینی سۉره‌دی، تاکه پولیوویروس‌نینگ یوقیشی و ترقه‌لیشی‌نینگ آلدی آلینسین.
«پولیودن بوش افغانستان» اېملش پولیوگه چه‌لینیش‌نینگ آلدینی آلیش و اوشبو کسللیک عاقبتیده معلوللیک خوفینی کمه‌یتیریشده مهم رۉل اۉینه‌شی ممکنلیگینی تأکیدله‌دی.
اوشبو تشکیلات دایما آدملردن اېملش دستورلریده همکارلیک قیلیشنی و باله‌لرنی پولیودن حمایه قیلیش اوچون چاره‌لر کۉریشنی سۉره‌ب کېله‌دی.
