جهان ساغلیقنی سقلش تشکیلاتی: ضرر کۉرگن حدودلرده بوتولیسم ترقه‌لیشی‌نینگ آلدینی آلیش اوچون خبردارلیک ایشلرینی آلیب بارماقده
۸صبح، کابل: افغانستانده‌گی جهان ساغلیقنی سقلش تشکیلاتی (WHO) بوتولیسم ترقه‌لیشی‌نینگ آلدینی آلیش، بو کسللیکنی اېرته انیقلش و اۉز وقتیده دوالش مقصدیده ضرر کۉرگن جماعه‌لرده خبردارلیک ایشلرینی آلیب بارماقده.
اوشبو تشکیلات چهارشنبه کونی، ۸ مېزان، ضرر کۉرگن حدودلرده نظارتنی قۉللب-قوّتلاوچی گروهلر آرقه‌لی تعلیم و خبردارلیک ماتریاللرینی ترقه‌تگنینی معلوم قیلدی.
جهان ساغلیقنی سقلش تشکیلاتی قۉشیمچه قیلیشیچه، بو گروهلر اهالیگه بوتولیسم‌نینگ دستلبکی علامتلرینی انیقلش، آزیق-طعام محصولاتلرینی خوفسیز تیّارلش و سقلش همده علامتلر پیدا بۉلگن تقدیرده زودلیک بیلن طبیات مرکزلریگه مراجعت قیلیش حقیده معلومات بېرماقده.
تشکیلات تأکیدله‌شیچه، بو چاره‌لر کسللیک‌نینگ آغیر اسارتلرینی کمه‌یتیریش و انسانلر حیاتینی سقلب قالیشگه یاردم بېریشی ممکن.
