بیرلشگن ملتلر تشکیلاتی‌نینگ اهالی یشش جایلری دستوری افغانستانده ساغلیق مرکزلری قَیته تیکلنگنی حقیده خبر بېردی
۸صبح، کابل: بیرلشگن ملتلر تشکیلاتی‌نینگ اهالی یشش جایلری دستوری (UN-Habitat) آدملر‌نینگ ساغلیق خدمتلردن فایده‌لنیش امکانیتینی یخشیلش مقصدیده کمبغل حدودلرده‌گی ساغلیق مرکزلری قَیته ترمیملنه‌یاتگنینی معلوم قیلدی.
اوشبو تشکیلات چهارشنبه کونی، ۸ مېزان، ایکس صحیفه‌سیده اوشبو مرکزلر جاپان خلق‌ارا همکارلیک آژانسی (جایکا) یاردمیده قَیته ترمیملنه‌یاتگنینی یازدی.
بیرلشگن ملتلر تشکیلاتی ساغلیق مرکزی‌نینگ قَیته ترمیملنیشی شفاکارلر اوچون صفتلیراق طبی یاردم کۉرسه‌تیش امکانیتی یره‌تیلیشینی، بېمارلر اوچون اېسه یخشیراق ساغلیق خدمتلردن فایده‌لنیش امکانینی انگله‌تیشینی اَیتدی.
بیرلشگن ملتلر تشکیلاتی‌نینگ اهالی مسکنلری دستوری اوشبو دستوردن کۉزلنگن مقصد کمبغل حدودلرده یشاوچی اهالی‌نینگ حیات شرایطلرینی یخشیلش اېکنینی بیلدیردی.
بو حالت چېکّه و امکانیتلری چېکلنگن حدودلرده یشاوچی کۉپلب آدملر‌نینگ صفتلی ساغلیق خدمتلردن فایده‌لنیش امکانیتی چېکلنگن بیر پیتده یوز بېرماقده. طبیات مرکزلرینی قَیته ترمیملش اولر‌نینگ ساغلیقنی سقلش خدمتلریدن فایده‌لنیش امکانیتینی یخشیلشی ممکن.
