تکل: روسیه باش وزیری‌نینگ اۉرین‌باسری اېرته‌گه کابلگه کېله‌دی
۸صبح، کابل: طالبان تشقی ایشلر وزیرلیگی‌نینگ عمومی علاقه‌لر بۉلیمی باشلیغی ضیا احمد تکل معلوم قیلیشیچه، روسیه باش وزیری‌نینگ اقتصادی مسأله‌لر بۉییچه اۉرین‌باسری الکسی اوورچوک، اېرته‌گه کابل کېله‌دی.
تکل چهارشنبه کونی، ۲۰ عقرب، معلوم قیلیشیچه، اوورچوک کابلگه یوقاری مرتبه‌لی اقتصادی هیاتگه باشچیلیک قیلگن حالده تشریف بویوره‌دی.
اوشبو تشریف دوامیده طالبان و روسیه اۉرته‌سیده‌گی مناسبتلرنی مستحکملش مسأله‌سی محاکمه قیلینه‌دی.
شونینگدېک، تامانلر اقتصادی و سودا همکارلیگینی کېنگه‌یتیریش همده سرمایه‌وی امکانیتلر یوزه‌سیدن مذاکره‌لر آلیب باره‌دی.
بیر قطار روسیه‌لیک تدبیرکارلر و سوداگرلر هم اوشبو سفرده اوورچوک بیلن بیرگه بۉله‌دی.
مذکور تشریف روسیه ۲۰۲۵-ییل جولای آییده طالبان رژیمینی رسماً تن آلگن بیرینچی دولت بۉلگنیدن کېین عملگه آشیریلماقده.
شونگه قره‌مه‌ی، طالبان عیاللر و قیزلر حقوقلریگه قۉییلگن کېنگ کۉلملی چېکلاولر، شونینگدېک، اولر‌نینگ تعلیم آلیشی و ایشلشیگه قۉییلگن تقیق سببلی همان خلق‌ارا تنقیدلرگه دوچ کېلماقده.
