طالبان ۵۷۵ مهاجر مملکتگه مجبوری قَیتریلگنینی معلوم قیلدی
۸صبح، کابل: طالبان ۱۲۸ عایله‌نی، جمعی ۵۷۵ نفر کیشینی اۉتگن کون مجبوری روشده افغانستانگه قَیتریلگنینی معلوم قیلدی.
طالبان سۉزلاوچیسی اۉرین‌باسری، حمدالله فطرت، چهارشنبه کونی، ۲۰-عقرب، اعلان قیلگن بیاناتیده اَیتیشیچه، ۴۶ عایله، جمعی ۲۲۸ کیشی ننگرهار ولایتیده‌گی تورخم چېگره‌سی آرقه‌لی مملکتگه قَیتگن.
بیاناتگه کۉره، ۳۲ عایله، جمعی ۱۷۲ کیشی قندهار ولایتیده‌گی سپین بولدک چېگره‌سی آرقه‌لی، ۳۱ عایله، جمعی ۱۱۵ کیشی اېسه نیمروز ولایتیده‌گی ایپک کۉپریگی آرقه‌لی مملکتگه کیریب کېلگن.
شونینگدېک، ینه ۱۹ عایله، جمعی ۶۰ کیشی هرات ولایتیده‌گی اسلام‌قلعه چېگره‌سی آرقه‌لی افغانستانگه قَیتگن.
