طالبان تخار‌نینگ ورسج اولسواللیگیده سابق حربینی آتیب اۉلدیردی
۸صبح، تخار: تخار ولایتیده‌گی منبعلر‌نینگ اَیتیشیچه، طالبان جنگریلری اوشبو ولایتده سابق حربینی آنه‌سی و عیالی کۉز اۉنگیده آتیب اۉلدیرگن.
منبعلر دوشنبه کونی، ۶-میزان، ۸صبح گزېته‌سیگه بېرگن صحبتیده بو سابق حربی‌نینگ اسمی ر بۉلگنی و او ورسج اولسواللیگی یشاوچیسی اېکنینی معلوم قیلگن.
منبعلرگه کۉره، او سابق حکومت دوریده تخار ولایتی مرکزی تالقان شهری‌نینگ بېشینچی خوفسیزلیک حدودیده پولیس افسری صفتیده خدمت قیلگن.
منبعلر قۉشیمچه قیلیشیچه، واقعه یکشنبه کونی، ۵-میزان کونی، ورسج اولسواللیگیده صادر بۉلگن.
حاضرچه اوشبو سابق حربی‌نینگ نیمه سببدن آتیب اۉلدیریلگنی معلوم اېمس.
بو حالت طالبان حاکمیتنی قَیته قۉلگه کیریتگنیدن سۉنگ سابق حکومت حربیلری و خادملری‌نینگ اۉلدیریلیشی همده اولرگه نسبتاً یامان معامله قیلینگنی حقیده خبرلر ترقه‌له‌یاتگن بیر پیتده یوز بېرماقده.
