بیرلشگن ملتلر تشکیلاتی بغلان ولایتیده عیاللر تدبیرکارلیگینی قۉللب-قوّتلش و سوو تاشقینلریگه قرشی کوره‌ش بۉییچه یاردم کۉرسه‌ته‌یاتگنینی معلوم قیلدی
۸صبح، کابل: بیرلشگن ملتلر تشکیلاتی ترقیات دستوری (UNDP) افغانستانده‌گی وکالت‌خانه‌سی بغلان ولایتیده عیاللر باشقره‌یاتگن تدبیرکارلیک فعالیتینی قۉللب-قوّتلش و سوو تاشقینلریگه چیدملیلیکنی آشیریش بۉییچه یاردم کۉرسه‌تیله‌یاتگنینی معلوم قیلدی.
تشکیلات سه‌شنبه کونی، ۷-میزان، ایکس صحیفه‌سیده اوشبو دستورگه کۉرسه‌تیلگن یاردمی اوچون جاپان و افغانستان اوچون مخصوص ایشانچ جمغرمه‌سیگه منّتدارلیک بیلدیرگن.
بو یاردم افغانستانده عیاللر ایش و اقتصادی فعالیت ساحه‌سیده کېنگ کۉلملی چېکلاولرگه دوچ کېله‌یاتگن بیر پیتده عملگه آشیریلماقده.
باشقه تاماندن، مملکت‌نینگ اَیریم حدودلریده یوز بېرگن سوو تاشقینلری اوی-جایلر، اېکینچیلیک یېرلری و اهالی‌نینگ درآمد منبعلریگه ضرر یېتکزیب، ضعیف عایله‌لر‌نینگ تیریکچیلیگینی ینه‌ده قیینلشتیرگن.
