فاریابده یۉل حادثهسیده ایکّی کیشی جان بېریب تۉرت کیشی یرهلندی
۸صبح، فاریاب: فاریاب ولایتیده یوز بېرگن یۉل حادثهسیده ایکّی کیشی جان بېریب و ینه تۉرت کیشی یرهلنگن.
طالباننینگ فاریابدهگی خوفسیزلیک قوماندانلیگی چهارشنبه کونی، ۱-مېزان، ترقهتگن بیاناتیده اوشبو حادثه بو ولایتنینگ پشتونکوت تومنیدهگی «قفلاندره» حدودیده صادر بۉلگنینی اَیتگن.
بیاناتگه کۉره، حادثه موترنینگ یۉلدن چیقیب کېتیب، اغدریلیشی عاقبتیده یوز بېرگن.
طالبان، شونینگدېک، حادثهده یرهلنگنلر شفاخانهگه آلیب باریلگنینی اَیتگن.
بو حادثه افغانستانده یۉل حادثهلری کۉپهییب، هر کونی بیر نېچه کیشی جان بېرهیاتگنی یاکه یرهلنهیاتگن بیر پیتده صادر بۉلدی.
شونگه اۉخشهش حادثهلرده، تخار ولایتیده سکّیز کیشی جان بېرگن. شونینگدېک، لغمان ولایتیدهگی یۉل حادثهسیده اېسه بیر کیشی جان بېریب ینه تۉقّیز کیشی یرهلنگن.
