بلاروس افغانستان بیلن ساغلیقنی سقلش ساحه‌سیده‌گی همکارلیکنی کېنگه‌یتیریشگه تیّارلیگینی بیلدیردی
۸صبح، کابل: طالبان‌نینگ ساغلیقنی سقلش وزیرلیگی معلوم قیلیشیچه، اوشبو گروه بلاروس بیلن ساغلیقنی سقلش ساحه‌سیده‌گی همکارلیکنی کېنگه‌یتیریش، دارو-درمان و طبی جهازلرنی آلیب کېلیش همده طبیات خادملری‌نینگ ملَکه‌سینی آشیریش مسأله‌لریده مذاکره آلیب بارگن و کېلیشووگه اېریشگن.
طالبان‌نینگ ساغلیقنی سقلش وزیرلیگی سه‌شنبه کونی، ۷-میزان، اعلان قیلگن بیاناتیده بو مسأله‌لر طالبان‌نینگ ساغلیقنی سقلش وزیری مولوی نورجلال جلالی بیلن بلاروس ساغلیقنی سقلش وزیری هودژایف الکساندر اۉرته‌سیده‌گی اوچره‌شووده محاکمه قیلینگنینی بیلدیرگن.
بیاناتگه کۉره، تامانلر اوچره‌شوو دوامیده کسبی تجربه، شونینگدېک، علمی و تدقیقات معلوماتلرینی المشیشگه هم اورغو بېرگن.
بلاروس ساغلیقنی سقلش وزیری مملکتی طالبان بیلن دارو-درمانلر، طبی جهازلر، طبیات خادملری‌نینگ ملَکه‌سینی آشیریش همده کسبی و علمی تجربه المشیش ساحه‌لریده‌گی همکارلیکنی کېنگه‌یتیریشگه تیّار اېکنینی بیلدیرگن.
