جهان ساغلیقنی سقلش تشکیلاتی افغانستانده ۲۷ مینگدن آرتیق کیشیگه طبی خدمت کۉرسه‌تیلگنینی معلوم قیلدی
۸صبح، کابل: جهان ساغلیقنی سقلش تشکیلاتی (WHO) سۉنگگی آلتی آی ایچیده افغانستان‌نینگ شِمالی-شرقیده، قندوز یوقوملی کسللیکلر شفاخانه‌سی آرقه‌لی ۲۷ مینگدن آرتیق کیشیگه تۉلیق طبی خدمت کۉرسه‌تیلگنینی معلوم قیلدی.
اوشبو تشکیلات سه‌شنبه کونی، ۲۸-میزان کونی، ۲۰۲۶-ییل اپرېل آییدن بویان ینه ایکی مینگ و ۱۱۴ نفر بېمار، جمله‌دن، بیر مینگ و ۲۶۸ نفر عیال هم اوشبو شفاخانه‌گه یاتقیزیلیب، دوالنگنینی خبر قیلدی.
مذکور شفاخانه جهان ساغلیقنی سقلش تشکیلاتی‌نینگ یاردمی و اروپا اتفاقی‌نینگ مالیه‌لشتیریشی بیلن بېمارلرگه بې‌پول اختصاص‌لشتیریلگن طبی خدمتلر کۉرسه‌ته‌دی.
جهان ساغلیقنی سقلش تشکیلاتی قۉشیمچه قیلیشیچه، شفاخانه ۵۰ ا‌ۉرینگه اېگه بۉلیب، قندوز و قۉشنی ولایتلرده‌گی ویروسلی هپاتیت، سیل و باشقه جدّی یوقوملی کسللیکلرگه چه‌لینگن بېمارلرگه خدمت کۉرسه‌ته‌دی.
اوشبو تشکیلات افغانستانده یوقوملی کسللیکلرگه چه‌لینگن بېمارلرگه بې‌پول طبی خدمت کۉرسه‌تیشنی تأمینلشده‌گی مالیوی یاردمی و همکارلیگی اوچون اروپا اتفاقیگه هم منّتدارلیک بیلدیرگن.
