امریکا کانگرسی وکیلی: افغانستانلیک مهاجرلرنی قَیتریش شفقتسیزلیک حرکت دیر
۸صبح، کابل: امریکا وکیللر مجلسی اعضاسی آندری کارسون، افغانستانلیک مهاجرلرنی افغانستانگه قَیتریشنی «شفقتسیز و ناتۉغری» حرکت دېب اته‌دی.
کارسون چهارشنبه کونی، ۲۰ عقرب، مینگلب افغانستانلیک مهاجرلر‌نینگ امریکادن دېپورت قیلینیشی احتمالینی تنقید قیلیب، اولرنی حمایه قیلیشگه چقیردی.
اونینگ قۉشیمچه قیلیشیچه، اوشبو مهاجرلر‌نینگ کۉپچیلیگی امریکا حربیلری بیلن بیرگه خدمت قیلگن و حاضرده افغانستانگه دېپورت قیلینیش خوفی آستیده قالماقده.
کارسون شونده‌ی تأکیدله‌دی: «مېن بو انسانلرنی حمایه قیلیش اوچون افغانستانگه وقتینچه‌لیک حمایه‌لنگن مقام (TPS) بېریش تۉغریسیده‌گی ایکّی حزبی قانون لایحه‌سینی فخر بیلن قۉللب-قوّتله‌یمن».
او امریکا افغانستانلیک اتفاقچیلریگه یوز اۉگیرمسلیگی کېره‌کلیگینی هم قۉشیمچه قیلدی.
