بمت: ایران و پاکستاندن قریب ۱،۲۹ میلیون مهاجر قَیتیب کېلدی
۸صبح، کابل: بیرلشگن ملتلر تشکیلاتی‌نینگ قاچقینلر بۉییچه دستوری، سپتمبر آیی آخریگچه قریب ۱ میلیون ۲۹۰ مینگ نفر افغانستانلیک مهاجر ایران و پاکستاندن مملکتگه قَیتگنینی معلوم قیلدی.
اوشبو تشکیلات یک‌شنبه کونی، ۱۷ عقرب، اعلان قیلگن حساباتیده قَیتگنلر‌نینگ قریب ۴۳ فایزی دېپورت قیلینگنینی بیلدیرگن.
حساباتگه کۉره، چېگره حدودلریده ۲۰۲ مینگدن آرتیق باش‌پناه ایزلاوچی و قَیتیب کېلگن شخصگه نقد پول یاردمی کۉرسه‌تیلگن.
شونینگدېک، حساباتده قَیتیش حدودلریده یشاوچی ۳۴۰ گه یقین ضعیف عایله‌گه تورموش شرایطینی تیکلش اوچون مادّی یاردم بېریلگنی قید اېتیلگن.
بمت‌نینگ اوشبو تشکیلاتی علیحده یاردمگه محتاج بۉلگن قریب ۲ مینگ ۳۰۰ کیشیگه هم نقد پول یاردمی کۉرسه‌تیلگنینی قۉشیمچه قیلگن.
بمت‌نینگ قاچقینلر بۉییچه دستوری، شونینگدېک، قریب ۲ مینگ ۶۰۰ عایله‌گه ضرور اوی-رۉزغار بویوملرینی خرید قیلیش اوچون نقد پول یاردمی بېریلگنینی معلوم قیلگن.
