یونیسف: افغانستان باله‌لری‌نینگ یریمی آغیر آزیق-طعام قشّاقلیگیگه‌ دوچ کېلماقده‌

۸صبح، کابل: بیرلشگن ملتلر تشکیلاتی‌نینگ باله‌لرنی قۉللب-قۉتلش جمغرمه‌سی (یونیسف) افغانستان باله‌لری‌نینگ یریمی آغیر آزیق-طعام قشّاقلیگیگه‌ دوچ کېله‌یاتگنینی همده‌ تورلی-تومن و تۉییملی آزیق-طعام محصولاتلریدن فایده‌لنیش امکانیتیگه‌ اېگه‌ اېمسلیگینی معلوم قیلدی.

یونیسف دوشنبه‌ کونی، ۲۵ عقرب، اۉزی‌نینگ ایکس صحیفه‌سیده‌ تۉییب-آوقت‌لنمسلیکنی دوالش باله‌لر حیاتینی سقلب قالیشینی، بیراق اونینگ آلدینی آلیش هم خودّی شونده‌ی درجه‌ده‌ مهم‌ اېکنلیگینی تاکیدله‌دی.

اوشبو تشکیلات بریتانیا‌نینگ مخصوص وکیلی ریچارد لیندسی بیلن همکارلیکده‌ یازگن مقاله‌سیده‌ بریتانیا تامانیدن افغانستانده‌گی کیچیک یاشده‌گی باله‌لر‌نینگ طعاملنیش حالتینی یخشیلشگه‌ قره‌تیلگن یاردم یۉللرینی کۉریب چیققن.

اوشبو مقاله‌گه‌ کۉره‌، بیر‌گینه ۲۰۲۶-ییل‌نینگ اۉزیده‌ افغانستانده‌ تخمیناً ۳،۷ میلیون باله‌ اۉتکیر تۉییب-آوقت‌ملنمسلیک کسللیگیگه‌ چه‌لینگن.

یونیسف کیچیک یاشده‌گی باله‌لر باشقه‌لرگه‌ قره‌گنده‌‌ کۉپراق خوف آستیده‌ اېکنلیگیدن آگاهلنتیردی؛ شونده‌یکی، آزغینلیکدن اذیت چېکه‌یاتگن باله‌لر‌نینگ قریب ۸۰ فایزی ایکّی یاشگه‌ تۉلمه‌گن باله‌لردیر.

مذکور تشکیلات تۉییب-آوقت‌لنمسلیککه‌ چه‌لینگن باله‌لرنی دوالش ضرور و حیاتنی سقلب قالووچی چاره‌ بۉلیشیگه‌ قره‌مه‌ی، اوشبو انقراضگه‌ قرشی کوره‌شیش اوچون یېترلی اېمسلیگینی همده‌ تۉییب-آوقت‌لنمسلیک حالتلری یوزه‌گه‌ کېلیشیدن آلدین آلدینی آلووچی چاره‌لر هم کۉریلیشی لازملیگینی قطعی تاکیدله‌دی.

دکمه بازگشت به بالا