بمت فیستول کسللیگیگه چهلینگن عیاللرنی دوالشنی دوام اېتتیریش ضرورلیگینی تأکیدلهدی
۸صبح، کابل: بیرلشگن ملتلر تشکیلاتی باش کاتبینینگ افغانستان بۉییچه مخصوص وکیلی (یوناما) رباب فاطمه قندهارگه سفر قیلدی.
جهان ساغلیقنی سقلش تشکیلاتی، دوشنبه کونی، ۲۵-عقرب، معلوم قیلیشیچه، فاطمه اوشبو سفر چاغیده میرویس منطقوی شفاخانهسینینگ فیستولنی دوالش بۉلیمینی کۉزدن کېچیرگن.
مذکور بۉلیم جهان ساغلیقنی سقلش تشکیلاتی یاردمیده فیستول کسللیگیگه چهلینگن عیاللرگه طبی خدمت کۉرسهتیب کېلماقده.
فاطمه، شونینگدېک، دوالنهیاتگن بېمارلر و مخصوص طبی خدمت کۉرسهتهیاتگن عیال ساغلیق خادملری بیلن اوچرهشیب، صحبتلشگن.
جهان ساغلیقنی سقلش تشکیلاتی عیاللرنینگ فیستولنینگ آلدینی آلیش، دوالش و کوچلنتیریش خدمتلریدن دایمی فایدهلنیشینی تامینلش ضرورلیگینی تاکیدلهدی.
تشکیلاتنینگ قید اېتیشیچه، اوشبو خستهلیککه چهلینگن عیاللر کۉپینچه ییللر دوامیده آغریق، کمسیتیلیش و اجتماعی یکّهلنیشگه دوچ کېلیشهدی.





