یونیسف لغمان‌ده ۲۰ته مکتب بناسینی قیته قوردی
۸صبح، کابل: لغمان ولایتیده طالبلرنینگ بلند مرتبه‌لی رسمیلری، سۉنگی نېچه ییل ایچیده‌گی اوروشلر آقیمیده ویران بۉلگن کمیده ۲۰ته مکتب افغانستان‌ده بیرلشگن ملتلر تشکیلاتی نینگ باله‌لرنی حمایت قیلیش صندیغی (یونیسف) مالی یاردمی بیلن قیته قوریلگنینی ایتدیلر.
لغمان ولایتی اوچون طالبلرنینگ معارف ریاستی باشلیغی مولوی شاه جهان، اوشبو مکتبلرنی قیته تیکلش ایشی بوندن اوچ آی آلدین باشلنگن اېدی، ۲۹- میزان، شنبه کونی فایده‌له‌نیشگه تاپشیریلدی دېب ایتدی.
بو مکتبلر بنالرینی قیته قوریش ایشلری اوچون کمیده ایکّی میلیون و ۸۰۰ مینگ افغانی خرج بۉلگنی ایتیله‌دی.
عین حالده، لغمان ولایتی نینگ بیر قنچه اۉقووچیلری بو چاره – تدبیردن خورسندلیک قیلیب ایتیشلریچه، خلق ارا یاردم بېرووچی نهادلر مملکت معارفی اوچون کۉپراق مالی کمک قیلیشلری کېره‌ک.
طالبلر همده سابق حکومت حربیلری اۉرته‌سیده‌گی اوزاق ییللر دوام اېتگن اوروش جریانیده مملکت نینگ ایریم حدودلریده مینگلب مکتب ویران بۉلدی.