خلق‌ارا پولیوگه قرشی کوره‌ش کونی؛ پولیوسیز افغانستان تشکیلاتی باله‌لرنی اېملشگه اورغو بېردی
۸صبح، کابل: پولیوسیز افغانستان تشکیلاتی خلق‌ارا پولیوگه قرشی کوره‌ش کونی مناسبتی بیلن افغانستانده اوشبو کسللیکنی بوتونله‌ی یۉق قیلیش یۉلیده‌گی سعی-حرکتلرنی دوام اېتتیریشگه اورغو بېردی.
اوشبو تشکیلات، شنبه کونی، ۲ عقرب، اعلان قیلگن مراجعتیده عایله‌لردن فرزندلرینی پولیوگه قرشی اېملشنی سۉره‌دی.
پولیوسیز افغانستان تشکیلاتی هر بیر باله پولیونی یوقتیریش خوفیسیز اولغه‌ییش حقوقیگه اېگه اېکنینی تأکیدلب، عایله‌لر فرزندلرینی اېملش آرقه‌لی اوشبو کسللیکدن بوش کېله‌جکنی تأمینلشده اۉز حصه‌لرینی قۉشیشلری ممکنلیگینی بیلدیردی.
خلق‌ارا پولیوگه قرشی کوره‌ش کونی هر ییلی ۲۴-اکتوبرده جماعتچیلیک خبردارلیگینی آشیریش و اېملش کمپنیلرینی کوچه‌یتیریش مقصدیده نشانلنه‌دی.
افغانستان و پاکستان دنیاده پولیو هلی تۉلیق برطرف اېتیلمه‌گن یگانه مملکتلردیر.
بو آره‌ده، جهان ساغلیقنی سقلش تشکیلاتی اوّلراق اعلان قیلگن حساباتیده افغانستانده پولیو ویروسینی یوقتیریش بیلن باغلیق آلتیته ینگی حالت قید اېتیلگنینی معلوم قیلگن اېدی.
اوشبو تشکیلات حساباتیگه کۉره، جاری ییل باشیدن بویان افغانستانده قید اېتیلگن پولیو حالتلری سانی ۴۲ تگه یېتگن.
