بیرلشگن ملتلر تشکیلاتی افغانستان خلقی‌نینگ برداشینی اعتراف اېتدی
۸صبح، کابل: بیرلشگن ملتلر تشکیلاتی‌نینگ افغانستان اوچون مخصوص ایشانچ جمغرمه‌سی (UN-STFA) مملکت خلقی‌نینگ برداشینی اعتراف اېتدی.
اوشبو جمغرمه شنبه کونی، ۲ عقرب، بیرلشگن ملتلر تشکیلاتی تشکیل تاپگنی‌نینگ ۸۱ ییللیگی مناسبتی بیلن بیانات بېریب، تشکیلات‌نینگ قدرتی افغانستان خلقی اوچون همکارلیکده اېریشیله‌یاتگن یوتوقلرده مجسم اېکنینی تأکیدله‌دی.
بو عینی پیتده افغانستاندهگی میلیونلب انسانلر ماجرالر، قشّاقلیک، باش‌پناه‌سیزلیک و اقلیمی انقراضلر سببلی جدّی معمالرگه دوچ کېله‌یاتگن بیر شرایطده یوز بېرماقده.
هر ییلی ۲۴-اکتوبر بیرلشگن ملتلر تشکیلاتی کونی صفتیده نشانلنه‌دی.
بیرلشگن ملتلر تشکیلاتی باش مجمع‌سی ۱۹۴۷-ییلده اوشبو کوننی بیرلشگن ملتلر تشکیلاتی کونی دېب بېلگیله‌گن. مقصد تشکیلات‌نینگ مقصدلری و یوتوقلرینی دنیا اهالیسیگه تنیشتیریش همده اونینگ فعالیتینی قۉللب-قوّتلشنی کوچه‌یتیریشدن عبارت.
