بیرلشگن ملتلر تشکیلاتی: افغانستان انرژی هفته‌سی کابلده باشلندی
۸صبح، کابل: بیرلشگن ملتلر تشکیلاتی‌نینگ ترقیات دستوری (UNDP) افغانستان انرژی هفته‌سی ۲۰۲۶ کابلده باشلنگنینی معلوم قیلدی.
اوشبو تشکیلات، دوشنبه کونی، ۱۸ عقرب، بېرگن معلوماتیده، ایکّی کونلیک مذکور ییغیلیش بیرلشگن ملتلر تشکیلاتی ترقیات دستوری و طالبان‌نینگ سودا و سرمایه بۉلیمی همکارلیگیده اۉتکزیله‌یاتگنینی بیلدیردی.
بمت ترقیات دستوری قۉشیمچه قیلیشیچه، ییغیلیشده خصوصی سکتور وکیللری، تدبیرکارلر، مالیه تشکیلاتلری و رواجلنیش بۉییچه همکارلر هم اشتراک اېتماقده.
تشکیلات معلوماتیگه کۉره، اشتراکچیلر اوشبو ییغیلیشده سرمایه کېریتیش امکانیتلری، انرژی یېچیملری و افغانستان انرژی ساحه‌سیده‌گی همکارلیک یۉنه‌لیشلرینی محاکمه قیله‌دیلر.
افغانستان اۉزیگه ضرور بۉلگن برق انرژیسی‌نینگ ۸۰ فایزدن آرتیغینی قۉشنی مملکتلردن آلیب کېله‌دی.
برق انرژیسینی ایشلب چیقریش و اوزه‌تیش آست-قورمه‌سی‌نینگ یېتیشمسلیگی مملکتنی انرژی بیلن تأمینلشده‌گی اساسی معمالردن بیری حسابلنه‌دی.
