بیرلشگن ملتلر تشکیلاتی: افغانستاندهگی بیر وقت‌نینگ اۉزیده یوزه‌گه کېلگن انقراضلر جنایتچیلیک خوفینی آشیردی
۸صبح، کابل: بیرلشگن ملتلر تشکیلاتی‌نینگ مخدره مادّه‌لر و جنایتچیلیککه قرشی کوره‌ش باشقرمه‌سی (UNODC) افغانستاندهگی بیر وقت‌نینگ اۉزیده یوزه‌گه کېلگن انقراضلر، جمله‌دن، عیاللر حقوقلریگه قۉییلگن چېکلاولر، انسانپرورلیک یاردم‌نینگ قیسقریشی و افغانلر‌نینگ مجبوری روشده قَیتریلیشی جنایتچیلیک، استثمار و بې‌قرارلیک خوفینی آشیرگنینی اَیتدی.
اوشبو اداره سه‌شنبه کونی، ۷-مېزان، بو معمالرنی حل اېتیش نه‌فقط افغانستان کېله‌جگی، بلکه منطقوی و خلق‌ارا خوفسیزلیکنی تأمینلش اوچون هم مهم اېکنینی بیلدیردی.
تشکیلات‌نینگ تأکیدلشیچه، عیاللر و قیزلر حقوقلریگه قۉییلگن چېکلاولر، کوکنار یېتیشتیریشگه اساسلنگن اېکینچیلیک اقتصادیاتی‌نینگ قیسریشی، انسانپرورلیک یاردم‌نینگ کمه‌ییشی همده افغانلر‌نینگ قۉشنی مملکتلردن کېنگ کۉلمده قَیتریلیشی افغانستاندهگی موجود ضعیفلیکلرنی ینه‌ده چوقورلشتیرگن انقراضلر قطاریگه کیره‌دی.
بیرلشگن ملتلر تشکیلاتی‌نینگ مخدره مادّه‌لر و جنایتچیلیککه قرشی کوره‌ش باشقرمه‌سی هر بیر باسیم عاملی جنایتچیلیک، استثمار و بې‌قرارلیک خوفینی آشیریشی ممکنلیگینی تأکیدله‌دی.
